Atyraý oblysynda ónerli órender az emes. Sonyń biri – Dılnaz Ejirova. О́tken aptada ol Grekııada ótken án festıvaliniń bas júldesin ıelendi.
Oblystyq bilim basqarmasy baspasóz qyzmetiniń aqparatyna súıensek, jas ónerpaz «Greece Hope» halyqaralyq festıvalinde baq synaǵan. Bul festıvalǵa álemniń 19 elinen jas ónerpazdar qatysypty.
«N.Tilendıev atyndaǵy mamandandyrylǵan mektep-gımnazııa-ınternatynyń oqýshysy Dılnaz Ejirova halyqaralyq baıqaýda aǵylshyn tilindegi «Love Story» ánin oryndady. Qazylar alqasy ónerpazdyń erekshe daýsy men sahnada ózin ustaý mádenıetine tánti bolyp, bas júldege laıyq dep tapty», dep habarlady basqarmanyń baspasóz qyzmeti.
Jas ónerpazdy ustazy Alma Nurasheva sheberligin shyńdaýǵa baýlyp júr. Ustazynyń aıtýynsha, 13 jastaǵy ánshi Dılnaz Ejirova buǵan deıin birneshe ret respýblıkalyq jáne halyqaralyq baıqaýlarda óner kórsetipti. Ol – vokal janrynda úzdik nátıje kórsetip júrgen talantty shákirtiniń biri.
«Dılnazdyń bul jeńisi – shyǵarmashylyǵyndaǵy jańa jetistigi. Muny elimizdiń óner salasyna qosylǵan zor úles deýge bolady. Álemdik óner saıysynda elimizdiń atyn asqaqtatqan jas ánshi bolashaqta da jańa jetistikke jetýge talpynady. О́ıtkeni ol – jas bolsa da talanty shyńdalyp kele jatqan ónerpaz», deıdi Alma Nurasheva.
Atyraý oblysy