Halyqaralyq tennıs federasııasy (ITF) 2025 jyly ótetin Devıs kýboginiń jerebesin tartty. Birinshi álemdik toptyń pleı-offynda óner kórsetetin Qazaqstan quramasy Pákstanmen kúsh synasady. Bul báseke kelesi jyldyń 31 qańtary men 2 aqpany aralyǵynda uıymdastyrylady.
Bıylǵy jyly Halyqaralyq boks dańqy zalyna enýge úmitti tarlandardyń tizimi jarııalandy. Solardyń qatarynda ár dáýirde sharshy alańda jarqyraı kóringen Iýrıı Arbachakov, Artýr Abraham, Horhe Arse, Hoel Kasamaıor, Polı Aııala, Naıdjel Benn, Výıanı Býngý, Lýchıan Býte, Sot Chıtalada, Krıs Iýbenk, Aselıný Freıtas, Leo Games, Maıkı Garsııa, Artýr Grıgorıan, Henaro Ernandes, Krıs Djon, Mıkkel Kessler, Santos Lasıar, Rokkı Lokrıdj, Mıgel Lora, Genrı Maske, Darıýsh Mıhalchevskı, Mýn Son Gıl, Omar Narvaes, Orzýbek Nazarov, Maıkl Nann, Sven Ottke, Mennı Pakıao, Vınnı Paz, Shon Porter, Hılberto Roman, Djanfranko Rozı, Vıraphol Sahaprom, Samýel Serrano, Antonıo Tarver, Meldrık Teılor, Fernando Vargas, Israel Vaskes, Vılfredo Vaskes, Ratanapol Sor Vorapın, Phongsaklek Vanchongkham, Sınsýke Iаmanaka syndy sańlaqtar bar. О́kinshike qaraı, bul tizimnen elimizdiń maqtanyshy Gennadıı Golovkındi keziktire almadyq.
14 qazanda Tashkentte dzıýdodan áskerıler arasyndaǵy álem chempıonatynyń jalaýy jelbireıdi. Bir aptaǵa sozylatyn básekeler barysynda Qazaq eli namysyn jeti sportshy qorǵaıdy. Olar – Ǵalııa Tynbaeva (48 kg), Sherzod Davlatov (60 kg), Janarys Rahmetqalı, Nurqanat Serikbaev (66 kg), Ekaterına Tokareva (70 kg), Baqytjan Ábdýrahmanov (73 kg), Kámıla Berliqash (+78 kg).
Qazaqstan tennısshisi Iýlııa Pýtınseva Qytaıdyń Ýhan qalasynda ótip jatqan týrnırdiń tusaýkeser kezdesýinde Chjan Shýaıǵa 6:4, 6:4 esebimen shań qaptyrdy. Endi ol álemniń 18-raketkasy, horvatııalyq Donna Vekıchpen sheberlik baıqasady. Al Shanhaıdaǵy jarysta birde-bir jerlesimiz qalmady. Alǵashqy eki aınalymda reseılik Roman Safıýllın Beıbit Juqaev pen Aleksandr Býblıkten basym tússe, úshinshi kezeńde Aleksandr Shevchenko chehııalyq Iаkýb Menshıkke ese jiberdi – 1:6, 7:6, 2:6.
BAQ ókilderine suhbat bergen Aýstrııanyń «Ferst» klýbynyń sapyndaǵy nemistiń jartylaı qorǵaýshysy Fılıpp Oks Qazaqstan quramasynda oınaýǵa nıetti ekenin aıtty. Negizi bul jigit bizge bóten emes. Fıllıptiń áke-sheshesi Soltústik Qazaqstanda dúnıege kelgen. Keıinnen otbasy tarıhı otanyna oraldy. Al fýtbolshynyń ózi «Hoffenhaım» fýtbol mektebinde tálim aldy. 2011-2019 jyldar aralyǵynda Ost Germanııanyń jasóspirimder men jastar quramasy sapynda óner kórsetti.
Ystanbulda ótken kásipqoı boks keshinde Edil Qojamberdıev (13-2, 13 KO) Tanzanııanyń ókili Paskal Abel Ndombamen (27-14-2, 25 KO) judyryqtasyp, ony ekinshi raýndta uryp jyqty. Osynyń aldyndaǵy jekpe-jegin Edil bıyl mamyr aıynda Almatyda ındonezııalyq Aleksandra Badjavýǵa qarsy ótkizip, ony da nokaýtpen utqan edi.
Ulttyq basketbol qaýymdastyǵynda (UBQ) buryn-sońdy bolmaǵan oqıǵa tirkeldi. Maýsym aldyndaǵy «Fınıks Sanzǵa» qarsy kezdesýde «Los-Andjeles Leıkers» klýby sapynda Lebron Djeıms pen Bronnı Djeıms óner kórsetti. 39 jastaǵy Lebonnyń sporttyń bul túrinde baǵyndyrmaǵan belesi joq. Ol – álemdik basketboldyń shoq juldyzdarynyń biri ári biregeıi. Al 20 jastaǵy Bronnı atalǵan komandanyń jeıdesin bıyl ǵana kıdi. Buǵan deıin UBQ tarıhynda ákesi men balasy ıyq tiresip, birde-bir ret birge oınamaǵan edi.