Sársenbi kúni Izraıl áskerı-áýe kúshteri Lıvannyń ońtústigindegi Dardgaıa qalasyndaǵy Lıvan azamattyq qorǵanys ortalyǵyna shabýyl jasaǵan. Saldarynan bes adam qaza tapqan, dep habarlaıdy Egemen.kz.
Qala Lıvannyń ońtústiginde, Tır qalasynyń shyǵysynda ornalasqan.
Qurban bolǵandar arasynda Tır qalasyndaǵy aımaqtyq azamattyq qorǵanys ortalyǵynyń basshysy Abdallah ál-Mýsaýı bar ekeni habarlandy.
«Izraıl halyqaralyq zańdardy, normalardy jáne gýmanıtarlyq konvensııalardy elemeı, búgin keshke qutqarý jáne jedel járdem brıgadalaryna qarsy shabýyldaryn qaıta bastady» delingen habarlamada.
Lıvannyń densaýlyq saqtaý mınıstrligi Derdgaıadaǵy qaza tapqandar sany naqty emes ekenin aıtty, óıtkeni ýchaskedegi úıindilerdi tazartý jumystary áli jalǵasyp jatyr.