Tarazdyq polıseıler sharýashylyq qurylystyń aýlasynda qarasora ósirýmen aınalysqan er adamdy anyqtady, dep jazady Egemen.kz.
Ustalǵan kúdiktiniń narkologııalyq dıspanserde esepte turǵany ári buryn sottalǵany anyqtaldy.
Oblystyq polısııanyń málimetinshe, 44 jastaǵy tarazdyqtyń aýlasynan keptirilgen marıhýana salynǵan paket, 90 kesilgen qarasora butasy jáne baqshadan taǵy 8 buta tabylǵan. Tárkilengen zattyń jalpy salmaǵy 44,8 kelini quraǵan.
«Esirtki zattaryn zańsyz ósirý faktisi boıynsha qylmystyq is qozǵaldy. Er adam qarasorany ósirip, ony keptirip, paketterge orap otyrǵan.Kúdikti óz kinásin moıyndady. Qazirgi ýaqytta tergeý júrgizilip jatyr», dedi esirtki qylmysyna qarsy kúres basqarmasy bastyǵynyń mindetin atqarýshy Asqar Jumabekov.