Sheberlik dárisin tyńdady

Bıyl alǵash ret uıym­­­­das­­tyrylyp otyr­­­ǵan ıgi is-sha­­ra­­nyń maq­sa­ty – jas maman­darǵa ınno­va­­sııa­lyq bilim ortasyn qurý­ǵa kómek berý, kásibı damýy­na yqpal etý. Sondaı-aq peda­gog­terdiń shyǵar­mashylyq qabiletin, synı oılaýyn, emosııalyq ıntellektini damytý, zamanaýı oqytý quraldary men ádisterin úıretý.

Festıval barysynda bi­lik­ti pe­da­gogter men ádis­ker­ler «Pe­da­­go­­gıkalyq ózara áreket­tes­tik­tegi empatııa, synypta qo­laı­­ly atmosfera qurý», «Ideal Ustaz» taqyrybynda trenıng ótkizdi. Is-shara ári qaraı «Shyǵar­ma­shylyq tásil, shyǵarma­shy­lyq­ty sabaqqa kiriktirý» «Tap­syr­malar jasaý úshin jasandy ın­tel­lekt quraldaryn paıdalaný», «Dızaındik oılaý», «Oqý úde­ri­sindegi jasandy ıntellekt: zama­naýı tehnologııalarmen prak­tı­kalyq quraldar» taqyry­byn­­­da­ǵy sheberlik saǵat­ta­rymen jal­ǵasty.

Jobaǵa bastamashy bolyp otyrǵan Ádistemelik ortalyq­tyń ádisker mamany Saıat Manar­bek­­ulynyń aıtýynsha, festıval jyl saıyn jalǵasyn taýyp otyrmaq.

– Festıval bıyl birinshi ret uıymdastyryldy. Buǵan tek Astana qalasyndaǵy eńbek jolyn endi bastaǵan muǵalimder qatysyp jatyr. Aıta keteıin, osy jyly elordada 423 maman mektepke jańadan qabyldanǵan. Qalalyq mekeme bolǵandyqtan, tek Astana­daǵy jas mamandardy qam­tydyq. Al eger joba mınıstrlik tarapynan qol­daý taýyp jatsa, respýb­lıkalyq deńgeıde de uıymdastyrýǵa múddelimiz. Jalpy, festı­valdy jyl sa­ıyn uıymdas­tyrýdy josparlap otyrmyz. О́ıtkeni jas mamandardy qoldaýdyń mańyzy zor. Olarǵa baǵyt-baǵdar berýimiz kerek. Muǵalim bilikti bolsa, bilim sapasy da joǵary. Festıval aıasynda jas mamandardyń tájirıbe almasýyna, birlesip jobalar jasaýyna yqpal etý arqyly kásibı qaýymdastyq qurǵy­myz keledi. Sonymen qatar muǵalimderge ınnovasııalyq pedagogıkalyq tásilder men tehnologııalardy úırete otyryp, óz sabaqtaryna zamanaýı oqytý quraldaryn, ádisterin engizýge yntalandyrýdy maqsat etemiz. Eger muǵalim jańa ıdeıalardy iske asyryp, shyǵarmashylyq turǵyda bel­sendi bolsa, oqýshylardyń da bilim­ge qushtarlyǵy artady. Muǵalimderdiń kásibı deń­geıin kóterý arqyly eli­miz­­degi bilim sapasyn jaq­sar­tý­ǵa bolady,– deıdi ádisker maman.

Is-shara barysynda jas pedagogter Qazaqstan Respýblı­kasynyń eńbek sińirgen ustazy Kúshaı Terdikbaevpen TedX formatynda suhbat qurdy. Ardager ustaz olarǵa qoldaý bildirip, bilim salasyn damytý baǵytynda aqyl-keńesin aıtty.

Festıval sońynda jas mamandar osyndaı paıdaly alańdy uıymdastyrǵany úshin ortalyq ujymyna, basqa da jaýapty mamandarǵa alǵysyn bildirdi.

Qasym Qaısenov atyndaǵy №27 mektep-lıseıdiń aǵyl­shyn tili pániniń muǵalimi Nuraly Oryn­­basarov tájirı­beli ma­man­dardyń jas muǵa­lim­­­derge ja­na­shyrlyq tanytýy asa mańyz­­dy ekenin atap ótti.

– Men osy jyly oqý bitirip, mektepte eńbek jolym­dy bas­tadym. Sondyqtan bul festı­valdyń maǵan bereri kóp. Qam­tylǵan taqyryptar óte ózekti. Sonyń barlyǵyn óz tájirıbemde júzege asyramyn dep otyrmyn. Trenıng barysynda jasandy ıntellektiniń kómegi týraly aıtyldy. Qazir sonyń nátıjesinde jumysymyzdy jeńildetýge bolatynyn kórip júr­miz. Buny oqýshy­lar da tıim­di jaǵynan paıdalana alady. My­saly, men «Shyraq» degen jasandy ıntellekt jobasyn qol­dana­myn. Munda muǵalimderge kerek taqy­ryptyń bári bar. Ári bul – otan­dyq joba, – deıdi jas maman.

Al №79 mektep-lıseıi muǵa­limi Nur­lan Joldasbaevtyń aı­­týynsha, jas mamandar árda­ıym tájirıbe almasyp, bilimin jetildirip otyrýy kerek.

– Festıval oıdaǵydaı ótti. Birshama tyń aqparat aldym. Muǵalim únemi jan-jaqty bolýy qajet. Búginde zaman talaby sondaı. Ásirese birinshi bólimdegi empatııa taqyryby qyzyq boldy. О́ıtkeni qazir oqýshylarmen jumys isteý kúrdeli. Al muǵalim óz boıyn­daǵy empatııa sezimin oıatyp, ıaǵnı ózin oqýshynyń ornyna qoıa otyryp, ózara jaqsy baılanys ornatsa, sabaq úrdisi jeńildeı túsedi. Sondyq­tan árbir muǵalim empatııa sezimin kásibı deńgeıde jetildirýge tıis. Osy alǵan tájirıbemdi aldaǵy ýaqytta sabaqtarymda qoldanamyn, – deıdi pedagog N.Joldasbaev.