Elim degen eri barda, erim degen eli de bolary daýsyz. Tutas sanaly ǵumyryn ult jolyna arnaǵan tulǵalar bar. Bar ǵumyry el taǵdyrymen bir qoldyń salasyndaı baılanysqan ardaqty erler jeterlik. Solardyń biri hám biregeıi – Sáken Seıfýllın.
Elordada S.Seıfýllın atyndaǵy QazATZÝ-dyń májilis zalynda belgili memleket jáne qoǵam qaıratkeri aqyn, qazaq ádebıetiniń negizin qalaýshylardyń biri Sáken Seıfýllınniń týǵanyna 130 jyl tolý qurmetine oraı «Sáken Seıfýllın: halyqqa arnalǵan ómir» atty ǵylymı-tájirıbelik konferensııa ótti.
Saltanatty sharany Qazaqstan Respýblıkasy Aýyl sharýashylyǵy vıse-mınıstri Amanǵalı Berdalın QR Prezıdenti Qasym-Jomart Toqaevtyń «Sáken Seıfýllın: halyqqa arnalǵan ómir» atty ǵylymı-praktıkalyq konferensııasyn uıymdastyrýshylarǵa, S.Seıfýllın atyndaǵy QazATZÝ ujymyna alǵysyn aıtyp, joldaǵan quttyqtaý hatyn oqýdan bastady.
Keleli keńeste Parlament senatynyń tóraǵasy Máýlen Áshimbaevtyń quttyqtaý hatyn senat depýtaty Muhtar Jumaǵazıev oqyp berdi.
– Sizderdi qazaq rýhanııatynda orny bólek talant ıesi, aǵartýshy, kórnekti memleket qaıratkeri Sáken Seıfýllınniń týǵanyna 130 jyl tolýyna oraı uıymdastyrylyp otyrǵan halyqaralyq ǵylymı konferensııanyń ashylýymen shyn júrekten quttyqtaımyn. Memleket basshysy Qasym-Jomart Toqaev el tarıhynda erekshe oryn alatyn qaıratkerlerdiń mereıtoılaryn joǵary deńgeıde atap ótý, jalpyulttyq biregeıligimizdi nyǵaıtatyn mańyzdy dúnıe dep aıtqan edi. Sáken Seıfýllın nebári otyz jasynda «О́tken kúnder» jınaǵy arqyly ultyna ún qatyp, erekshe parasat-paıymymen tanyldy. Qazirgi qazaq ádebıetiniń jáne Qazaqstan Jazýshylar odaǵynyń negizin qalaýshy retinde ulttyq múddege ólsheýsiz, zor eńbek sińirdi. Barlyq iste qazaqty oqýǵa, úırenýge shaqyryp, elin egemendikke jeteledi jáne sol jolda basyn báıgege tikti, – degen Máýlen Saǵathanuly quttyqtaý hatynda.
Májilis tóraǵasy Erlan Qoshanovtyń quttyqtaý hatyn depýtat Serik Egizbaev jetkizse, Astana qalasy ákimi Jeńis Qasymbektiń quttyqtaýyn Tilderdi damytý jáne arhıv isi basqarmasynyń basshysy Sáken Esirkep kópshilik qaýymǵa tanystyrdy.
Sáken Seıfýllın atyndaǵy Qazaq agrotehnıkalyq ýnıversıtetiniń basqarma tóraǵasy – rektor Qanat Tireýov jınalǵan kópshilikke alǵys bildirip, ýnıversıtettiń jumys barysy jóninde birqatar málimetter berip ótse, memleket jáne qoǵam qaıratkeri Oralbaı Ábdikárimuly elimizde qaıbir salanyń mamany bolsyn, ulttyń uly tulǵalarynyń taǵlymymen sýsyndap, rýhty bolyp ósýge tıis ekenin aıtty.
Belgili ǵalym Zııabek Qabyldınov sırek muraǵattardan jınalǵan qujattar men bilikti zertteýshilerdiń pikirine súıene otyryp, aqyn ómiriniń eleýli tustary jóninde jańa maǵlumattarymen bólisti.
– Eldiń tutastyǵyna aıanbaı qyzmet etken, ultymyzdyń ulaǵatyn tanytqan qazaqtyń qasqa azamaty, memleket jáne qoǵam qaıratkeri, aqyn, jazýshy Sáken Seıfýllınge búgin laıyqty qurmet kórsetýdemiz. Sáken óte ónegeli otbasynda dúnıege kelgeni anyq. Ákesi Seıfolla segiz qyrly bir syrly, ańshylyqty kásip etken, dombyraǵa, ónerge júırik kisi bolsa, anasy el aýzynda júrgen ejelgi folklor nusqalaryn jaqsy bilgen. 1913 jyly S.Seıfýllın sol zamandaǵy óte bedeldi oqý orny Omby muǵalimder semınarııasyna oqýǵa túsedi. Qarqyndy túrde ózdiginen bilim alýmen aınalysady, kóp oqıdy. Oqý jylynyń basynan bastap ol qalanyń mádenı jáne qoǵamdyq ómirine belsendi túrde kirisedi. «Birlik» atty jas qazaq uıymynyń quramyna enedi. Olardyń aldynda qazaq halqyna bilim men ǵylymdy jáne mádenıetti nasıhattaý maqsaty turdy. О́z qurdastary arasynda Sáken Seıfýllın daryndy aqyn, talantty pýblısıst retinde belgili boldy, – dedi ol.
Al «Qazaq gazetteri» seriktestiginiń bas dırektory, akademık Dıhan Qamzabekuly jastar biregeı tulǵanyń elshil eńbekterinen kóp dúnıe tabatynyn dáıektedi.
– Sáken Seıfýllınniń ómirin jańa qyrynan tanýǵa atsalysyp otyrǵan ǵalymdar az emes. Árbir jastyń sanasynda «Sáken Seıfýllınniń shyǵarmashylyq, qaıratkerlik murasy týraly biz neni bilýimiz, qaı qyryn temirqazyq etýimiz kerek?», degen suraq turýy qajet dep esepteımin. Sáken – sanaly ǵumyrynda eleýli eńbek jasaǵan, tarıhtaǵy ornyn anyqtaǵan, qıly kezeńde ómir súrse de azamattyǵyn asqaq ustaǵan tulǵalarymyzdyń biri. Búgingi qoǵamdaǵy kúrdeli máselelerge árbir jas ózin jaýapty sezine bilýi kerek. О́zekti másele Sáken zamanynda da boldy, ol kisiler jas bolsa da máselelerdi durys, laıyqty sheship otyrǵan. Mine, búgingi el júgi siz ben bizdiń moınymyzda tur, – dep, aqyn murasyn jan-jaqty taldap, jyrlarynyń astarly mánine toqtaldy.
Sáken Seıfýllın atyndaǵy mýzeı dırektory, tarıhshy, ǵalym Marat Ábsemet aqynnyń «Asaý tulparyn» Túrkııanyń Egeı ýnıversıtetiniń ǵalymdary zerttegenin, Sáken Seıfýllın ushaqqa alǵash minip el aralaǵan qaıratker ekenin baıandasa, professor Serik Negımov aqynnyń aıdarly jyrlaryna toqtalyp, kórnekti tulǵanyń azamattyq boryshyn adal atqarǵanyn tilge tıek etti.
Sonymen birge ál-Farabı atyndaǵy Qazaq ulttyq ýnıversıtetiniń professory, fılologııa ǵylymdarynyń doktory Kúlásh Ahmet, fılologııa ǵylymdarynyń kandıdaty, professor, Svetlana Ananeva, akademık E.Bóketov atyndaǵy QarMZÝ professory, fılologııa ǵylymdarynyń doktory Jandos Smaǵulov, akademık E.Bóketov atyndaǵy QarMZÝ professory Shapaǵat Jalmahanov, sahnada Sáken rólin somdap júrgen akter, dramatýrg Qanat Júnisov, S.Seıfýllın atyndaǵy №80 mektep-gımnazııasynyń oqýshysy Mahabbat Nurtazına baıandama jasap, tyń oılaryn ortaǵa salsa, S.Seıfýllın atyndaǵy Qazaq agrotehnıkalyq zertteý ýnıversıtetiniń 3-kýrs stýdenti Eldar Ámirhan daýylpaz aqynǵa arnap jyrdan shashý shashty.