Aqmolada astyq mol

Jaz jaýyndy boldy. Mol ylǵal, joǵary agrotehnıkalyq sharalar alqaptardaǵy aqyq dánniń bitik shyǵýyna áserin tıgizdi. Ýaqytpen sanas­paı qajyrly eńbek etken dıqan­dar kókten ıip, jerden bergen ıgilik­tiń bir dánin shashaý shyǵarmaı, qut qam­basyna quıyp alyp jatyr. 4,5 mln gektar dándi jáne burshaq daqyl­dary jınaldy. Gektar berekesi orta­sha eseppen 14 sentnerden aınal­dy. Keıbir ozat sharýashylyqtar bar jumysyn ońtaıly atqaryp, egistik mádenıetin jetildirýdiń nátıjesinde 60 gektardan ónim jınap jatyr.

О́ńirdegi kóshbasshylar qatary­nan Sandyqtaý aýdanyndaǵy «Maksımovskoe», Zerendi aýdanyn­daǵy «Dıqan plıýs», Bulandy aýda­nyndaǵy «Jýravlevka-1» seriktes­tikteri jetip otyr. Taǵy bir aıta keterligi, óńirdegi birqatar iri aýyl sharýashylyǵy qurylymy egin jınaý naýqanyn tolyq aıaqtady.

Oblystyq Aýyl sharýashylyǵy jáne jer qatynastary basqarmasy­nyń basshysy Kenesh Álimjanovtyń aıtýyna qaraǵanda, joǵary nátıje­ge aýyl sharýashylyǵy qurylym­darynyń, maıtalman meha­nı­zatorlardyń, aldynan jumys úrkip otyratyn ozat kombaınerlerdiń bir jeńnen qol, bir jaǵadan bas shyǵarǵan eńseli eńbekteri arqyly qol jetkizilip otyr. Bul arada dıqandardy qoldaǵan memlekettik kómektiń mol bolǵanyn jáne ol der kezinde kórsetilgenin aıta ketý – paryz.

– Aqmolalyq dıqandar tolymdy tabysqa qol jetkize otyryp, eli­miz­­diń azyq-túlik qaýipsizdigin nyǵaı­­typ qana qoımaı, zamanaýı agroteh­­no­logııalardyń meılinshe tıimdi ekenin kórsete bildi. Oblys elimizdiń ekonomıkasy men aýyl sharýashylyǵy salasynda mańyzdy ról atqara otyryp, aqyq dán aıalaǵan, berekeniń bastaýynda turǵan negizgi óńirdiń sapynan tabyla beredi, – deıdi basqarma basshysy.

Sóz sońynda kúzgi dala jumys­taryna 8,9 myń astyq jınaý tehnıka­sy qatysqanyn aıta keteıik. Bir jaq­sy­sy, onyń 4,8 myńy – ónimdi jumys isteıtin zamanaýı kombaındar.

Kún oń qabaq tanytsa, endi birer táýlikte berekeli alqaptardaǵy ja­ýapty naýqan birjola aıaqtalmaq.

Aqmola oblysy