Indonezııada balyqshy akýlany ustap alǵan. Ony bólshekteý kezinde ol adam qaldyqtaryn tapqan. Keıinirek bul amerıkandyq Kollın Monforttyń denesiniń synyqtary ekeni belgili bolǵan, dep habarlaıdyEgemen.kz BILD-ke silteme jasap.
Mıchıgandyq áıel kúıeýimen Indonezııaǵa demalýǵa barǵan. 26 qyrkúıekte erli-zaıyptylar Úndi muhıtyna súńgýdi uıǵarǵan. Olardy nusqaýshy topty Alor arhıpelagynyń janynda ornalasqan jaǵajaıǵa aparǵan. Kúıeýi men áıeli jeti metrge deıingi tereńdikke súńgip ketken.
Bir kezde qatty aǵys Kollın Monfortty toptan bólip alyp ketken. Qalǵandarynyń bári qaıyqqa qaıta oralyp úlgergen. Qutqarýshylar joǵalyp ketken áıeldi segiz kún boıy izdegen.
«Akýlanyń jaǵdaıy nashar bolǵandyqtan ustaldy. Men ol plastık nemese balyq aýlaıtyn tordy jutyp qoıdy dep oıladym. Biraq onyń ishinde qara súńgýir kostıýmindegi áıeldiń qaldyqtary boldy», dedi balyqshy.