12 qazanǵa qaraǵan túni Shaqat aýylynyń balalar úıinen qashyp ketken eki jasóspirimniń tabylǵany belgili boldy, dep habarlaıdy Egemen.kz.
16 jasar Aıda Býsýrmanova men 14 jasar Snejana Babıdiń joǵalyp ketti týraly aıtyp, óńir polıseıleri dabyl qaqty.
12 qazanda izdeý jumystaryna tańerteń jergilikti eriktiler uıymy birden kirisip, áriptestiktegi bul istiń nátıjeli aıaqtalǵanyn málimdedi.
- Shaqat aýylynyń arnaýly áleýmettik qyzmetterge muqtaj balalardy qoldaý ortalyǵynyń kámeletke tolmaǵan tárbıelenýshileri tabyldy, - dep habarlady polısııa departamentiniń baspasóz qyzmeti de Instagram-daǵy paraqshasynda.
Qyzdardyń ómiri men densaýlyǵyna qaýip tónbegeni belgili, al atalǵan oqıǵa faktisi boıynsha sotqa deıingi tergeý sharalary qolǵa alyndy.
Aıta ketsek, Pavlodarda bir aı buryn joǵalyp ketken 26 jastaǵy er adam keshe Ýsolsk yqsham aýdanyndaǵy toǵaıdan tabyldy.