Qaraǵandy polısııa departamenti avtobýs kóktaıǵaq saldarynan jaıaý júrginshini qaǵyp óltirgenin málimdedi, dep habarlaıdy Egemen.kz.
- 12 qazan kúni saǵat 19:00 shamasynda Lıpesk kóshesinde 53 jastaǵy marshrýttyq avtobýs júrgizýshisi kóktaıǵaq jaǵdaıynda 56 jastaǵy jaıaý júrginshini qaǵyp ketken. Zardap shegýshi dereý aýrýhanaǵa jetkizildi, biraq dárigerlerdiń barlyq kúsh-jigerine qaramastan, ol alǵan jaraqattarynan kóz jumdy, – delingen habarlamada.
Vedomstvo málimetteri boıynsha kúnniń kúrt sýýy jáne kóktaıǵaq saldarynan óńirde 22 jol-kólik oqıǵasy bolǵan.
Shahtınsk jáne Temirtaýda da jol-kólik apattary bolyp, nátıjesinde eki adam ártúrli jaraqattarmen aýrýhanaǵa jetkizildi.
Bir táýlikte ishinde tirkelgen 19 jol-kólik oqıǵasy jábirlenýshiler men zardap shekkendersiz ótti.