14 qazanda Prıozersk garnızonyndaǵy áskerı bólimderdiń birinde merzimdi qyzmettegi áskerı qyzmetshi qaraýyl qyzmetinde mindetin oryndaý kezinde ózine bekitilgen qarýdan basyna oq atyp, kóz jumdy, dep habarlaıdy Egemen.kz.
Bul týraly Qurlyq áskerleriniń baspasóz qyzmeti habarlady.
- Atalǵan oqıǵa áskerı qyzmet ótkerýmen baılanysty emes. Aldyn ala aqparat boıynsha, sarbaz otbasylyq-turmystyq janjal kezinde óz-ózine qol salǵan. Fakt boıynsha qylmystyq is qozǵaldy. Oqıǵanyń mán-jaıyn anyqtalyp, tergeý sharalary júrgizilý ústinde, – delingen habarlamada.
Baspasóz qyzmeti sarbazdyń belgilengen áskerı qyzmetiniń aıaqtalýyna eki apta qalǵanyn atap ótti.
- Qurlyq áskerleriniń qolbasshylyǵy áskerı qyzmetshiniń týǵan-týystarynyń qaıǵysyna ortaqtasyp, kóńil aıtady. Onyń jaqyndaryna qajetti kómek kórsetiledi, – delingen habarlamada.