Qazaqstannyń mektepterinde erekshe bilim berý qajettilikteri bar balalar úshin kedergisiz orta qalyptastyrylyp jatyr. Búgingi tańda mektepterdiń 88%-da ınklıýzıvti bilim alýǵa jaǵdaı jasalǵan, dep habarlaıdy Egemen.kz.
Oqý-aǵartý mınıstrliginiń málimetinshe, bıyl alǵash ret psıhologııalyq-pedagogıkalyq qoldaýdyń úsh deńgeıli modeli engizilgen. Sondaı-aq erekshe qajettilikteri bar balalarmen jumys isteý úshin qoldaý kórsetý kabınetteri men jeke baǵdarlamalarǵa arnalyp jańa talaptar ázirlengen.
«Qazirgi ýaqytta bilim berý mekemelerinde 60 myń bala qajetti psıhologııalyq-pedagogıkalyq qoldaýmen qamtylǵan. Bul árbir balanyń sapaly bilimge teń qol jetkizýi úshin jasalǵan mańyzdy qadam», dedi QR Oqý-aǵartý mınıstrligi Inklıýzıvti jáne arnaıy bilim berý departamentiniń dırektory Laýra Býtabaeva.
Aıta keteıik, ınklıýzıvti bilim berýdi júzege asyratyn mektepterdiń basty mindeti — ár balaǵa jeke qoldaý kórsete otyryp, biregeı qabiletterin damytýǵa jáne áleýmettik syn-tegeýrinderge tózimdilik tanytýǵa kómektesý.