Búgin Túrkııada jer silkinisi tirkeldi, dep habarlaıdy Egemen.kz.
Eýropa-Jerorta teńizi seısmologııalyq ortalyǵynyń málimetinshe, jergilikti ýaqyt boıynsha saǵat 10:46-da Malatııa qalasynan shyǵysqa qaraı 44 shaqyrym jerde magnıtýdasy 6-ǵa jetken jer silkinisi bolǵan.
Túrkııanyń Tabıǵı apattardy basqarý basqarmasynyń (AFAD) málimetinshe, jer silkinisiniń magnıtýdasy 5,9 bolǵan. Jergilikti aqparat quraldarynyń habarlaýynsha, jer asty dúmpýleri Malatııa, Dııarbakyr jáne Elazıg provınsııalarynda sezilgen.
Túrkııanyń ishki ister mınıstri Alı Erlıkaıa áleýmettik jelide sarapshylardyń shyǵyndy baǵalaýǵa kiriskenin málimdegen.