Qaza tapqandardyń kóbiniń denesin kúıik shalǵany sonsha, olardyń jeke bastaryn anyqtaý múmkin bolmaǵan, dep habarlaıdy Egemen.kz BBC agenttigine silteme jasap.
Nıgerııanyń soltústigindegi Djıgava shtatynda júrgizýshiniń basqarýǵa ıe bola almaǵanynan janarmaı quıylǵan tanker aýdarylyp qalǵan. Saldarynan 94 adam qaza taýyp, 50 adam túrli dene jaraqattaryn alǵan.
«Biz janarmaı quıatyn sısternaǵa eshkimniń jaqyndamaýy úshin bar kúshimizdi saldyq, biraq adamdar janarmaı jınaýǵa kirgendikten, órt shyqty», dedi jergilikti polısııa ókili.
Nıgerııalyq The Whistler basylymy shtat polısııasyna silteme jasap, 105 adamnyń qaza tapqanyn habarlady. Tanker júrgizýshisi zardap shekpegen, biraq ol tergeýge deıin qamaýǵa alynǵan.
Jergilikti bıliktiń málimetteri boıynsha, 2020 jyly Nıgerııada janarmaı quıylǵan sısternalardyń qatysýymen 1531 apat bolǵan. Saldarynan barlyǵy 535 adam qaıtys bolǵan.