Án abyzy ulyqtaldy

Baıqaýdyń deńgeıi 10 jyl burynǵyǵa qa­raǵanda aıtarlyqtaı ósken. Ilgeride qatysýshylar Kenen Ázirbaevtyń «Kók­sholaq», «Shyrqa, daýsym!», «Qaıran jastyq» sekildi sanaý­ly ánin ǵana oryndaıtyn. Sol kezde uıymdastyrýshylar «boz dala boztorǵaıy» atan­ǵan kompozıtordyń ózge shy­ǵarmalary qaltarysta qal­ǵanyn aıtyp jatatyn.

Keıingi ýaqytta osy bir olqylyqtyń orny tola bastady dep aıtýǵa tolyq negiz bar. Máselen, osy joly baıqaý qatysýshylary Kenen ánderine tereń boılaı bastaǵanyn baı­qadyq. «Bal quıyldy daladan», «Qazaqstan aımaǵy», «Alataý alabynda», «Bulbulǵa», «Boz­torǵaı», «Gıgıgaı» sekildi Ke­nen Ázirbaevtyń ózge de kóp­tegen tamasha ánin baıqaýǵa qatysqan ónerpazdar shyrqaý shegine jetkize shyrqap, tyń­darmandardyń alǵysyn ar­qalady.

Áıgili halyq aqyny, ánshi, kompozıtor Kenen Ázirbaevtyń 140 jyldyǵyna arnalǵan baı­qaýǵa qatysqan dástúrli án­shi­lerdiń qaı-qaısysy bolsyn, boz dala boztorǵaıynyń tamasha týyndylaryn shyrqaý shegine jetkize oryndaǵanyn aıta ketken jón. Úlken da­ıyn­dyqpen kelgenderi birden ań­ǵaryldy. Bir sózben aıtqanda, Memlekettik syılyqtyń laý­reaty Altynbek Qorazbaev bastaǵan qazylar alqasyna jeńimpazdy anyqtaý ońaıǵa soqqan joq.

Kil júırik topqa túsken óner alamanynda eshkim júl­desiz qalmady. Úzdik úshtiktiń qataryna enbegen qatysýshylar arnaıy Alǵyshat, dıplomdarmen jáne 50 myń teńge kó­leminde syıaqymen marapattaldy. Al «Kenen ata» qory ta­ǵaıyndaǵan arnaıy syılyq Qos­tanaı oblysynan kelgen Jas­ulan О́temuratovqa buıyr­dy.

Baıqaý qorytyndysynda qazylar alqasynyń sheshimimen qostanaılyq Aıbıke Tańa­tarova, jambyldyq Bekarys Kóshtaev úshinshi orynǵa laıyq dep tanylyp, 200 myń teńge syıaqyǵa ıe bolsa, Almaty qalasynyń úkili úmiti Nurdana Sálimhanǵa júldeli ekinshi oryn jáne 400 myń teńge syı­aqy berildi. Jambyl obly­synyń atynan qatysqan Mereı Abýeva birinshi oryn ıegeri atanyp, 700 myń teńge qarjylaı syıaqymen marapattaldy. Qazylar alqasy bas júlde men 1 mıllıon teńge júldege Túrkistan qalasynan kelgen Arýjan Saǵyndyqty laıyq dep tapty.

Taraz