Dzıýdo: Nurqanat – álem chempıony
16-18 qazan kúnderi О́zbekstannyń Tashkent qalasynda dzıýdodan áskerı qyzmetshiler arasynda álem chempıonaty ótti. 13 balýan el úmitin arqalap, beldesýge tústi. 29 elden 214 sportshy qatysqan doda tartysqa toly boldy.
60 kg salmaqta Nurqanat Serikbaev pen Sherzod Davlatov fınalǵa deıingi qarsylastaryn aıqyn utyp, álem chempıony ataǵyn ózara sarapqa saldy. Tájirıbeli Nurqanat jastar arasynan eresekter sapyna ótken Sherzodtan basym túsip, ánuranymyzdy shyrqatsa, Davlatov kúmispen kúpteldi. 66 kg salmaqta Baýyrjan Narbaev pen Janarys Rahmetqalıǵa senim artylǵan. Baýyrjan irikteý kezeńinen asa almasa, Janarys qola medal úshin ótken beldesýde Soltústik Koreıa balýany Rı Kım Songten basym tústi. El qorjynyna ekinshi qola medaldy Baqytjan Ábdirahmanov (73 kg) saldy. Ol sheshýshi synda Armenııa sportshysyn qapy qaldyrdy. Sondaı-aq chempıonatta Asqar Narqulov (81 kg), Qudiret Dosymov (90 kg), Marat Baıqamyrov (100 kg), Erasyl Qajybaev (+100 kg) kúres alańyna shyqty.
Al áıelder synynda Ǵalııa Tynbaeva (48 kg), Baqyt Qusaqbaeva (57 kg), Ekaterına Tokareva (78 kg), Kámıla Berliqash (+78 kg) beldesti.
Fýtbol: Chempıonatqa qatyspaıdy
Fýtboldan jastar arasynda Eýropa chempıonaty kelesi jyly Slovakııada ótedi. 21 jasqa deıingi fýtbolshylardyń qurlyq dodasyna irikteý bizdiń jigitterge sátsiz boldy. Konstantın Gorovenko baptaıtyn jastarymyz Majarstan, Belgııa, Ispanııa, Malta, Shotlandııa fýtbolshylarymen V tobynda dodaǵa tústi. 10 matchta 3 ret jeńiske jetti, 7 oıynda jeńildi.
Eýropa chempıonatynyń fınaldyq synyna joldama buıyrmaǵanymen, jas fýtbolshylarymyz ulttyq quramanyń laıyqty izbasary bola alatynyn baıqatty. Eýropa chempıonatynda 5 márte top jaryp, kúmisin de, qolasyn da oljalap júrgen Ispanııa jastarymen aıtarlyqtaı taıtalasyp, 4:3 esebimen ese jiberdi. Talaı talanttardy túletken fýtbol ustahanasy sanalatyn Shotlandııa jastaryn Almatyda ótken qarymta tartysta 3:2 esebimen jeńdi.
Boks: Jastarǵa senim artady
23 qazan – 3 qarasha aralyǵynda Chernogorııanyń Býdva qalasynda jastar arasynda bokstan álem chempıonaty ótedi. Bapkerler quramy álemdik dodaǵa qatysatyn boksshylardyń tizimin jarııalady.
Dıas Berikbaı (48 kg), Beksultan Boranbek (51 kg), Baýyrjan Muratov (54 kg), Janserik Kósherbaev (57 kg), Alekseı Havansev (60 kg), Ahmet Úsenov (63,5 kg), Tórehan Sabyrhan (67 kg), О́ner Seıilhan (71 kg), Sanjaráli Begalıev ( 75 kg), Madııar Beksultanov (80 kg), Baqytjan Aıtmuhanov (86 kg), Rasýl Asanhanov (92 kg), Aslan Edilbaıuly (92 kg) álemdik jarysqa qatysady.