17 qazanda kámeletke tolmaǵan Sh.Bolattyń ólimine qatysty júrgizilgen tergeý jumystary aıasynda taǵy bir kúdikti ustaldy, dep habarlaıdy Egemen.kz oblystyq Polısııa departamentiniń baspasóz qyzmetine silteme jasap.
«Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan jedel-izdestirý sharalary júrgizilip jatyr», delingen habarlamada.
Aıta keteıik, tergeý barysy Ishki ister mınıstriniń jiti baqylaýyna alynǵan.
Esterińizge sala keteıik, 4 qazanǵa qaraǵan túni Talǵarda bir top jas jigit arasynda aýyzsha janjal shyǵyp, sońy tóbeleske ulasqan. Janjal saldarynan 16 jastaǵy Sherzat Bolat pyshaq jaraqatynan kóz jumdy, taǵy eki adam aýyr jaraqat aldy. Kýágerlerdiń aıtýynsha, dúken mańynda oq atylǵan.
Sondaı-aq 12 qazanda Azat aýylynda Sherzat Bolattyń otbasyna tıesili úı órtengen edi. Polıseıler múlikti qasaqana joıý deregi boıynsha is qozǵap, oqıǵanyń sebepterin anyqtap jatyr. Otbasy qaýipsizdikpen qamtamasyz etilip, isti QR Bas prokýrory baqylaýyna aldy.