Qutqarýshylar kúni qarsańynda Shymkent qalasynda kópqabatty turǵyn úıdiń qasbetine qutqarýshylarǵa arnalǵan art-nysan salyndy.
Mural Shymkent qalasynyń ortalyǵynda, kópshiliktiń nazaryna túsetin jerde tur. Qutqarýshylardyń jumysy árqashan qaýipti jaǵdaılarmen baılanysty, sondyqtan muralda órtti sóndirý, tótenshe jaǵdaılardan adamdardy qutqarý sáti beınelengen.
Muraldy Tótenshe jaǵdaılar departamentiniń bastamasymen, qala ákimdiginiń qoldaýymen jergilikti «Korinis wall» kompanııasynyń ujymy jasady. TJM qalanyń ortalyq kósheleriniń birinde ornalasqan bul beıne qazirgi zaman qaharmandarynyń qyzmetin nasıhattap turǵanyn, olarǵa degen qurmettiń kórinisi ekenin atap ótti.