Astanada turǵyn telefonyn joǵaltqan. Kúdikti óziniń tanysy bolyp shyqqan, dep habarlaıdy Egemen.kz.
Elorda turǵyny 24 jastaǵy jigitpen shamamen jarty jyldaı kezdesip júrgen. Bir kúni jigit kóligimen kelip, salonda qyzdyń qaltasynan telefony túsip qalǵanyn baıqap qalǵan. Qyz telefonynyń qaıda ekenin suraǵanda, jigit ony ózinde ekenin aıtyp, biraq qaıtarýdyń ornyna, keıin múlde baılanysqa shyqpaı qoıǵan.
Saryarqa aýdandyq polısııa basqarmasynyń qyzmetkerleri jedel-izdestirý is-sharalary barysynda kúdiktiniń telefondy lombardqa ótkizgenin anyqtady. Ol túsken aqshany óz qajettilikterine jumsap, 600 myń teńge kóleminde materıaldyq shyǵyn keltirgen. Bul fakti boıynsha qylmystyq is qozǵaldy. Polıseıler telefondy tárkilep, onyń zańdy ıesine qaıtardy.
Astana qalasy polısııa departamenti azamattardy saq bolýǵa jáne beıtanys adamdarǵa senbeýge shaqyrady.