Qyzylorda oblysynda tómengi synyp oqýshysyn uryp óltirgen oqýshyǵa qatysty sot úkimi shyqty, dep habarlaıdy Egemen.kz.
Aıta keteıik, bıyl 12 aqpanda Belkól kentinde joǵary synyp oqýshysynyń judyryǵynan toǵyzynshy synyptaǵy jasóspirim jantásilim bolǵan. Olar balany kópqabatty turǵyn úıdiń dálizinde soqqyǵa jyǵyp, keıin onyń denesin medısınalyq mekemege jetkizgen. Alaıda bul sátte aýyr soqqy alǵan oqýshy kóz jumǵan. Sot sottalýshyny 6 jyl 8 aıǵa bas bostandyǵynan aıyrdy.
«Sottalýshy jábirlenýshige «nege shylym shegesiń?» dep eskertpe jasap, qylmystyq pıǵylyn oryndaý maqsatynda jábirlenýshiniń keýde tusynan 2 márte judyryqpen urǵan. Nátıjesinde, jábirlenýshi oqıǵa ornynda júregi toqtap, kóz jumdy. QR QK 106-babynyń 3-bóligimen sottalýshy kináli dep tanylyp, 6 jyl 8 aı merzimge bas bostandyǵynan aıyrý jazasy taǵaıyndaldy. Úkim zańdy kúshine engen joq», dedi Kámeletke tolmaǵandardyń isteri jónindegi mamandandyrylǵan aýdanaralyq sot ákimshisiniń basshysy Dáýren Taıyrov.