AQTAÝ. 16 maýsym. Aqtaýda Astanalar men iri qalalardyń halyqaralyq assambleıasy uıymy basqarmasynyń otyrysy ótti. Bul týraly egemen.kz tilshisi habarlady.
Otyrysqa Aqtaý qalasynyń ákimi E.Jańbyrshın, Reseı Federasııasy Memlekettik Dýmasynyń turǵyn úı saıasaty jáne TKSh komıteti tóraǵasynyń orynbasary P.Kachkaev, Astanalar men iri qalalardyń halyqaralyq assambleıasy vıse-prezıdentiniń mindetin atqarýshysy, uıymnyń bas dırektory V.Selıvanov, uıymǵa múshe qalalardyń basshylary, Qazaqstan men Reseı memlekettik bılik organdarynyń, BUU-HABITAT halyqaralyq uıymynyń, TMD atqarýshy komıtetiniń, qoǵamdyq uıymdardyń, bıznes jáne ǵylym qaýymdastyǵynyń ókilderi qatysty.
Assambleıa basqarmasynyń keńeıtilgen otyrysynda Aqtaý qalasynyń ákimi Edil Terekbaıuly uıymnyń kezekti 23-sessııasyn jáne onyń aıasynda qurylys pen TKSh salalarynda jańa tehnologııalardy qoldaný baǵytynda ózara tájirıbe almasýǵa zor múmkindik beretin halyqaralyq konferensııanyń Aqtaýda ótkizilýine senim artyp, qoldaý kórsetkeni úshin uıym múshelerine alǵysyn bildirdi.
«Biz, qala turǵyndary, osyndaı bedeldi halyqaralyq uıymnyń mańyzdy sharalarynyń biri Aqtaýda ótip jatqanyna maqtanamyz. Bul forýmǵa assambleıanyń múshe-qalalary ǵana emes, Aqtaýdyń sheteldik baýyrlas qalalary men Qazaqstannyń qalalary, basqa da qalanyń abattandyrylýy men kommýnaldyq sharýashylyǵy qyzmetiniń jaqsarýyna múddeli sala ókilderi, sheteldik jáne otandyq kompanııalar, ǵalymdar qatysatyn bolady. Mundaı halyqaralyq dárejedegi sharalar qalalar men aımaqtardyń áleýmettik-ekonomıkalyq damýynyń ózekti máselelerin talqylaý úshin óte yńǵaıly dıalog alańyn qalyptastyrady. Qalalar arasyndaǵy baılanystardy nyǵaıtý men damytýda Astanalar men iri qalalardyń halyqaralyq assambleıasy sııaqty úkimettik emes uıymdar úlken ról atqarady. Assambleıa barshamyzǵa qalalardyń úzdik tájirıbelerin ózara almasýǵa jáne iske asyrýǵa zor múmkindik beredi, – dedi ol.
Otyrysta V.Selıvanovtyń Assambleıa basqarmasynyń 2014-2015 jyldardaǵy jumys qorytyndysy men uıym qyzmetiniń basymdylyqtary týraly baıandamasy jáne qarjylyq jaǵdaıy jóninde aqparat tyńdaldy. Sondaı-aq, uıymdastyrý máseleleri de nazarǵa alyndy.
Gúlaıym Shyntemirqyzy.
Derek, sýret: egemen.kz.