Búginde «Shelek orman sharýashylyǵy» kommýnaldyq memlekettik mekemesiniń orman qory 117 437 gektar jerdi quraıdy, onyń ishinde 48 810 gektar jer ormandy alqap sanalady. Mekeme aýmaǵy 4 ormanshylyqqa – Taban-Qaraǵaı, Shelek, Ile, Jıdeli ormanshylyǵyna bólinedi. Oǵan qosa ortasha orman kúzetý alańy 2 500 gektardy quraıdy. Mekemede barlyǵy 112 adam qyzmet atqarady. Bıyl qosymsha shtattar berilip, ujym 17 mamanmen tolyqty.
Prezıdenttiń Joldaýyndaǵy memlekettik orman qory aýmaǵynda 2 mlrd aǵash otyrǵyza otyryp, eldegi orman alańyn 500 myń gektarǵa ulǵaıtý, eldi mekender men qalalarda 15 mıllıonnan astam aǵash otyrǵyzý týraly tapsyrmasyn oryndaý maqsatynda barlyq oblys pen orman sharýashylyǵy jáne janýarlar dúnıesi komıtetiniń vedomstvolyq baǵynystaǵy mekemeleri 2021-2025 jyldarǵa arnalǵan ormandy molyqtyrý, orman ósirý alańdaryn ulǵaıtý jónindegi Keshendi josparlar bekitti.
«Qazirde «Shelek orman sharýashylyǵy» kommýnaldyq memlekettik mekemesinde Memleket basshysynyń tapsyrmasyn júzege asyrýda naqty jumystar atqarylyp jatyr. Keshendi josparǵa sáıkes 2021 jyly mekemeniń orman qory jerinde aýmaǵy 11,5 ga, 2022 jyly 33,68 ga, ótken jyly 46,6 ga, bıyl aýmaǵy 29,2 ga jerlerge qaraǵash, órik, jıde aǵashtarynyń orman ekpeleri otyrǵyzyldy. Búginderi aýmaǵy 36,1 ga jerge órik aǵashtarynyń orman ekpelerin kúzgi otyrǵyzý jumystary aıaqtalýǵa jaqyn. Prezıdent tapsyrmasyn oryndaý maqsatynda 3 jylda 348 226 dana ártúrli aǵash ekpeleri otyrǵyzyldy», deıdi «Shelek orman sharýashylyǵy» kommýnaldyq memlekettik mekemesi dırektorynyń orynbasary Muhıt Saýranbaıuly.
Ormandy qorǵaý is-sharalarynyń oryndalýy barysynda memlekettik orman qorynda bıyl potologııalyq tekserý jumystary júrgizilip, 2025 jylǵa josparlanǵan orman ekpelerin otyrǵyzatyn jerlerge 13 dana shuńqyrlar qazylǵan. Mekemeniń orman qory aýmaǵyndaǵy 122,5 ga jerde hımııalyq tásilmen orman zııankesterin joıý jumystary júrgizilip, bıýdjetten bólingen 4 179,92 myń teńge ıgerilgen. 29,2 ga jerge orman ekpeleri otyrǵyzylǵan. Onyń ishinde Shelek ormanshylyǵynda 11,2 ga jerge 49 280 dana usaqjapyraqty qaraǵash, Jıdeli ormanshylyǵynda 10,8 ga jerge 36 000 dana jıde ekpeleri, Ile ormanshylyǵynda 7,2 ga jerge 24,0 dana órik ekpeleri, barlyǵy 109,280 dana aǵash túrleriniń ekpeleri otyrǵyzylǵan. Ormandy kútip-baptaý, sýarý, aram shópterden tazartý jumystary 538,64 ga jerde júrgizilip, 127,131 myń dana orman ekpeleri qazylyp, bul maqsatqa bólingen 259,060 myń teńge tolyǵymen ıgerilgen.
«Bıylǵy josparǵa sáıkes mekemede 152 kg orman tuqymdary jınalyp, saraptamadan ótkizildi. Odan ózge 150 kg usaqjapyraqty qaraǵash tuqymyna III synyp, 1 kg qyrym qaraǵaıy tuqymyna III synyp, 1 kg shyǵys bıotasyna II synyp kórsetkishteri berildi. Tuqym jınaý jumystaryna bólingen 58,817 myń teńge tolyq ıgerildi. Ýaqytsha tuqymbaqqa 2,0 ga jer daıyndaldy, 0,50 ga jerge orman tuqymdary sebildi. Sonymen qatar ýaqytsha tuqymbaqtaǵy mektep bóliminde 0,55 gektar jerge 3 jyldyq qyrym qaraǵaıynyń 2 500 danasy, 0,30 ga jerge shyǵys bıotasynyń 3 myń dana ekpeleri otyrǵyzyldy. Jıdeli ormanshylyǵynda 0,1 ga jerge 4 myń dana terek qalemsheleri daıyndalyp otyrǵyzyldy», deıdi Muhıt Saýranbaıuly.
2024 jyly orman órtteriniń aldyn alý jóninde de tyńǵylyqty jumystar atqaryldy. Shelek, Ile ormanshylyqtarynda 5 shaqyrym jerge mıneraldyq jolaqtar salynyp, 190 shaqyrym mıneraldyq jolaqtarǵa kútip-baptaý jumystary júrgizildi. Jańa 170 dana anshlag, 30 dana pannolar jasalyp, ormanshylyqtarǵa ornalastyryldy. Orman resýrstaryn paıdalanýshylarǵa, shekaralas otyrǵan sharýashylyqtarǵa 944 dana eskertý men 944 dana únparaqtar taratyldy. Aýyl, aýdan turǵyndaryna, orman resýrstaryn paıdalanýshylarǵa, mektepterde «ormanda órt qaýipsizdigin saqtaý, orman zańdylyqtaryn boldyrmaý» maqsatynda 11 dáris oqylyp, áńgimeler júrgizildi.
О́rt qaýpi joǵary aýmaqtarǵa jatatyn Jıdeli, Ile ormanshylyqtaryna 2 dana jyljymaly beketter ornalastyrylyp, mamandar men orman kútýshileriniń kúshimen táýlik boıy kezekshilik júrgizilip keledi. Jıdeli, Shelek orman órt sóndirý stansalary 3 dana arnaıy órt sóndirý avtokóligimen, 2 dana traktor sý búrkigishimen, órtke qarsy barlyq qural jabdyqtarmen tolyq qamtamasyz etilgen. Osyndaı maqsatty jumystardyń nátıjesinde orman qory jerlerinde ormandaǵy órt qaýipsizdigi erejesin buzý faktileri tirkelmegen.
2023 jylǵy 1 shildeden bastap orman qorǵaý qyzmetkerleriniń jalaqysy 100 paıyzǵa, osy jyldyń 1 shildesinen bastap orman órt sóndirý stansasy qyzmetkerleriniń jalaqysy 100 paıyzǵa kóterilýi sala qyzmetkerleriniń óz isine degen ynta-jigerin arttyra túsken. 2021-2023 jyldar aralyǵynda ormanda otyrǵyzý, sebý jumystary josparǵa sáıkes tolyǵymen oryndalǵan. Bıylǵy jyly 7 197,1 ga jerge orman ósirý jumystaryn júrgizý josparlanǵan, bul kórsetkish byltyrǵy jylmen salystyrǵanda 36 paıyzǵa ulǵaıǵan.
Memleket basshysynyń 2 mlrd aǵash otyrǵyzý, 2023 jylǵy Abaı oblysynda bolǵan orman órtinen keıin orman qorǵaý mekemeleriniń materıaldyq-tehnıkalyq bazasyn tıesili normalaryna deıin jetkizý jónindegi tapsyrmalaryn oryndaý barysynda birqatar jumys atqaryldy. Búginde orman sharýashylyǵy mekemeleriniń materıaldyq-tehnıkalyq bazasymen qamtamasyz etilýi normatıvtik kórsetkishterdiń 73 paıyzdan astamyn qurap otyr. Bıyl oblys ákimdiginiń qoldaýymen shaǵyn órt sóndirý keshenin, traktorlar, patrýldik avtokólikter, basqa da tehnıkalar satyp alý jumystary júrgizildi, bul sharalar aldaǵy ýaqytta da jalǵasyn tabady.
Almaty oblysy