Qaraǵaı kóshetteri otyrǵyzyldy

Qaraǵaı kóshetterin otyrǵyzý birneshe kezeńde júzege asyrylady. Aldymen aramshópter joıylady, topyraq qop­sy­tylady, aǵashtardyń ósýine ońtaıly jaǵdaı jasaýǵa qa­jetti tyńaıtqyshtar qolda­nylady. Sodan soń pıtomnık qyzmetkerleri materıaldyń ózin – aldyn-ala ósirilgen, qa­jetti mólsherge jetken qara­paıym qaraǵaı kóshetterin daıyndaıdy.

«Pıtomnıktiń úlgilik bó­limshesine kóshet otyrǵyzý – jańa orman alqaptarynyń qalyptasýyn qamtamasyz etetin mańyzdy kezeń. Topyraqty daıyndaǵannan keıin otyrǵyzý úderisi bastalady. Árbir aǵash aldyn ala qazylǵan oıyq­tar­ǵa muqııat ornalastyrylady, bul olardyń yńǵaıly ósýine qa­jet tereńdik pen qashyq­tyqty qamtamasyz etedi. Otyr­ǵyzylǵan kóshetterge únemi kútim jasaý turaqty tekse­rý­lerdi, sýarýdy, sondaı-aq zııan­kes­ter men aýrýlardan qor­ǵaý­dy qamtıdy», dedi orman pı­tom­nıginiń bastyǵy Beıbit Erǵalıev.

Osy jyldyń kókteminde orman pıtomnıginde 1,1 ga alqapqa 64,4 kg qaraǵaı tuqymy egildi. Salystyra ketsek, 2023 jyly 1 ga jerge 60 kg tuqym sebildi, bul jumys kóleminiń ósý dınamıkasyn kórsetedi.

«Biz óngishtigi keminde 60% bolatyn qarapaıym 1-synypty qaraǵaı tuqymyn septik. О́ný deńgeıine topyraq jaǵdaılary, egýdiń agrotehnıkalyq mer­zimderin saqtaý, klımattyq jaǵdaılar, orman daqyldaryna kútim jasaý da áser etedi. Orman pıtomnıginiń qyzmetkerleri aǵymdaǵy jylǵy egisterdi 8 ret qolmen aramshópten tazartyp, ótken jyldardaǵy egis joldaryn kem degende 5 ret tazartty, bul 20 gektardan astam aýmaq», deıdi Býrabaı «MUTP orman pıtomnıginiń ormandy qalpyna keltirý jónindegi ınjeneri Begzat Gabchenko.

Pıtomnıktegi jumystyń kúzgi kezeńi «Býrabaı» MUTP-nyń jasyl alqaptardy saq­taý, ulǵaıtý jónindegi uzaq mer­zimdi strategııasyn tanytady. Árbir otyrǵyzylǵan aǵash qamqorlyqty, kútimdi, qajyr­ly eńbekti qajet etedi. Búgingi tańda damyp kele jatqan orman daqyldary turaqty eko­júıeniń kepili bolady.