«Amanat» partııasy Almaty oblystyq fılıaly janyndaǵy «Jastar rýhy» jastar qanaty uıymdastyrýymen «Meniń elim – meniń týym» aksııasy bastaldy. Aksııa aıasynda 500-ge jýyq memlekettik tý balkondar men qoǵamdyq oryndarǵa ilinedi. Qazir 100-den asa azamat kók baıraqty óz balkonyna ilip, bastamany qoldap úlgerdi.
Uıymdastyrýshylardyń aıtýynsha, aksııaǵa qatysýshylar sany kún saıyn artyp keledi. Atalǵan aksııanyń basty maqsaty – memlekettik rámizderge degen qurmetti kúsheıtip, turǵyndardyń patrıottyq rýhyn kóterý. Sonymen qatar aksııa arqyly qoǵamda birlik pen yntymaqty nyǵaıtý kózdelgen.
«Aldaǵy ýaqytta oblys aýmaǵynda 500-ge jýyq memlekettik týdy kópqabatty turǵyn úılerdiń balkondary men qoǵamdyq oryndarǵa ilýdi josparlap otyrmyz. Búginde Qonaev qalasynyń ózinde 30-ǵa jýyq tý ilindi. Onyń ózi qala turǵyndary tarapynan úlken qoldaýǵa ıe boldy. Bul tek jaı ǵana aksııa emes, bul – elimizge degen súıispenshiligimiz ben patrıottyq rýhymyzdyń jarqyn kórinisi. Árbir ilingen tý arqyly biz halyqtyń birligin nyǵaıtyp, ortaq qundylyqtardy dáripteýdi maqsat etemiz. Barsha azamattardy osy aksııany qoldaýǵa shaqyramyn», dedi oblystyq «Jastar rýhy» jastar qanatynyń múshesi Mırat Áshimbaev.
Aıta ketý kerek, aksııa 25 qazanǵa deıin jalǵasady. Osy ýaqyt aralyǵynda kez kelgen azamat memlekettik týdy balkonyna nemese óz úıiniń aldyna ilip, aksııaǵa qatysýǵa múmkindigi bar.
Almaty oblysy