Ońtústik Afrıkanyń zańnamalyq astanasy Keıptaýn qalasynda Qazaqstan Elshisi Erkin Ahınjanov pen Ońtústik Afrıka Respýblıkasy Provınsııalary Ulttyq Keńesiniń (joǵarǵy palata) tóraǵasy Refılve Msvenı-Sıpane jáne OAR Ulttyq Assambleıasynyń (tómengi palata) spıkeri Andjela Tokozıle Dıdıza arasynda kezdesý ótti, dep habarlaıdy Egemen.kz.
Áńgime barysynda elshi Qasym-Jomart Toqaevtyń basshylyǵymen elimizde júzege asyrylyp jatqan negizgi reformalar men bastamalar haqynda baıandady. Qazaq dıplomaty ekonomıka, saýda jáne bilim berý sııaqty birqatar negizgi salalarda, sondaı-aq ornyqty ózara is-qımyldy qamtamasyz etý úshin sharttyq-quqyqtyq bazany jetildirýdi usyna otyryp, Qazaqstannyń Ońtústik Afrıkamen ekijaqty yntymaqtastyqty nyǵaıtýǵa umtylysyn atap ótti.
О́z tarapynan, Ońtústik Afrıka Parlamentiniń palata basshylary eki el arasyndaǵy yntymaqtastyqty tereńdetýge múddeli ekenin málimdedi. Olar eki el arasynda birlesken jobalardy iske asyrý múmkindigine senim bildirip, nátıjesinde ózara tıimdi seriktestik úshin jańa múmkindikter týǵyzatyn jetkizdi.
Jıyn sońynda taraptar ekijaqty parlamentaralyq baılanysty damytý maqsatynda dıalogty jalǵastyrýǵa kelisti.