Elektrondy qorǵa enedi

Memorandýmǵa Ul­t­­tyq aka­de­mııalyq kitapha­na­nyń dırektory Ǵazı­za Qu­daıbergenqyzy men «Qa­zaq gazetteri» seriktesti­gi bas dırektorynyń oryn­basary – Almaty basylym­darynyń jetekshisi Serik Ábikenuly qol qoıdy. Yn­ty­maqtastyqtyń negizgi maqsaty: qujattardy elektrondy formatqa aýdarý arqyly Qazaqstan halqynyń tarıhı-mádenı muralaryn saqtaý, kitaphanalyq qujat­tardy ınternet jelisine ornalastyrý. Kelisim «Qazaq gazetteri» seriktestigine qaras­ty gazet-jýrnaldardyń PDF nusqasyn Qazaqstan Ult­tyq elektrondy ki­taphana­synyń muraǵatynda saqtaýǵa múmkindik beredi.

Ǵazıza Qudaıbergenqyzy Ulttyq akademııalyq kitap­hana tarapynan uıymdas­tyrylyp jatqan elektrondy qordy jınaý, saqtaý, oqyrmanǵa taratý máselesin qysqasha tanystyryp berdi. Oǵan qosa kitaphana ujymy tarapynan atqarylyp jat­qan bastamalarǵa da toq­taldy. «Qazir barlyq tehnologııany paıdalana otyryp, oqyrmandy kitap oqýǵa yntalandyrýǵa bolady. «Air Astana»-men birlesip jasap jatqan jobamyzdyń aıaqtalýyna az qaldy. Me­dıa­qurylǵyǵa aýdıokitap, qazaqtyń jyryn, aýyz ádebıetin júktedik. Buǵan deıin sol medıaqurylǵy­da eresekterge, balalarǵa arnalǵan fılmder bolatyn. Áýe kompanııasyna hat jazyp, 50 kontent usyndyq. Kompanııa onyń 25-in tańdap aldy. Olar – kezinde «Mádenı mura» baǵdarlamasymen jaryqqa shyqqan rýhanı qazynamyz. Batyrlar jyryn tyńdap ósken bala jyr atyn umytyp qalýy múmkin, kókirekke jıylǵan rýh ýaqyty kelgende kókteıdi. Sondyq­tan osy jobany erekshe ta­nystyrǵymyz keledi. Odan bólek, shtrıh-kod arqyly kitap oqý jobasy daıyndalyp jatyr. Saıabaqtardaǵy oryndyqtarda túrli janrda jazylǵan kitaptardyń shtrıh-kody ornatylyp, oqyrman kez kelgen jerde kitap oqı alady. Jastar aýdıo­kitap tyńdaǵysy kelse, aýdıokitap jasap, vıdeosyn daıyndap, qalaýlaryn tolyq oryndaýymyz kerek», degen Ǵ.Qudaıbergenqyzy 24 qazan – Kitaphanashylar kúniniń mán-mańyzyna da toqtaldy.

«Qazaq gazetteri» serik­testigi bas dırektorynyń oryn­basary – Almaty basy­lymdarynyń jetekshisi Serik Ábikenuly mundaı kelisim qazaq baspasózin saqtaýdaǵy mańyzdy qadam ekenin atap ótti. «Bul istiń utymdy tusy kóp, eń bastysy – ınternet joq zamanda shyǵyp, sıfrlanbaǵan gazet sandarynyń bolashaqta  kóshirmesi jasalyp, halyq ashyq derekkózden oqı alatyn bolady, úıde otyryp-aq  ár jyldy jeke paraqtap shyǵýǵa múmkindik týady. Beridegi PDF nusqalary da júkteledi. Gazettiń bir sany joǵalsa bir kúnniń, bálkim bir jyldyń tarıhy joǵalady.  Saıt, portaldar jıi joıylyp ketip, erteńge alań kóp tusta memleket tarapynan sırek qujattardy saqtaý úshin arnaıy ashylǵan  «Kazneb»-ke kóshirmeler ótkizý – baspasóz tarıhyn saqtaıdy», – deıdi ol.

Basqosýda «Ana tili», «Aqıqat», «Mysl», «Úrker», «Uı­ǵyr avazı», «Ulan», «Aq jelken», «Drýjnye rebıa­ta» basylymdarynyń bas re­daktorlary gazet-jýr­nal­dardyń aldaǵy mereı­toılary týraly aıtyp, ba­sy­lymnyń tarıhı she­jiresi elektrondy ki­tapha­nalarda da oqyrmanyn kóbeıterine senim bildirdi. 

Qaragóz SIMÁDIL,

«Ana tili» gazeti bas redaktorynyń orynbasary