Shymkentte dárigerler júregi toqtap qalǵan júkti áıel men onyń sábıin aman alyp qaldy, dep habarlaıdy Egemen.kz QR Densaýlyq saqtaý mınıstrliginiń baspasóz qyzmetine silteme jasap.
Qaterli jaǵdaıda bolǵan áıel qaladaǵy №2 aýrýhananyń perzenthana bólimine shuǵyl jetkizilgen.
«Júkti áıel aýrýhanaǵa qatty qan ketýmen jáne úshinshi dárejeli gemorragııalyq shok jaǵdaıynda tústi. Operasııa ústelinde onyń júregi toqtap qaldy, biraq anestezıologtar, akýsher-gınekologtar, operasııalyq medbıkeler jáne transfýzıologtardan turatyn dárigerler tobynyń úılesimdi jáne kásibı áreketteriniń arqasynda ony aman alyp qaldy. Qan ketýdi toqtatý úshin operasııa jasaldy, nátıjesinde naýqastyń ómirine tóngen qaýip joıyldy», delingen habarlamada.
Dárigerlerdiń aıtýynsha, anasy men sábıiniń jaǵdaıy turaqty jáne olar jaqynda úıine shyǵarylady.