Mysyqpen birge turý ıesiniń fızıkalyq jáne psıhıkalyq densaýlyǵyna jaqsy áser ete alatyny anyqtaldy, dep jazady Egemen.kz.
Medicalxpress portalynyń málimetterine sensek, kóp jaǵdaıda mysyq ıeleri olardy otbasy múshesi retinde jıi qabyldaıtyny jazylǵan.
«Nıderlandta 1 800 mysyq ıesi qatysqan zertteýde olardyń jartysy mysyqtaryn otbasylarynyń múshesi dep sanaıtynyn aıtty. Árbir úshinshi adam óz mysyǵyn balasy nemese eń jaqyn dosy retinde qarastyrady. Janýardy adal, qoldaý kórsetetin jáne sezimtal dep eseptegen», delingen basylymda.
Mysyq ıeleri júrek-qan tamyrlary aýrýlarynan qaıtys bolý qaýpin tómendetýge kómektesedi. Sonymen qatar mysyqtar adamnyń psıhologııalyq kúıine oń áser etedi. Depressııada júrgen naýqastarda mysyqty sıpaý nemese oınaý aýrýdyń belgilerin azaıtatyn kórinedi.
Jalpy praktıka dárigeri Sergeı Alendeev mysyqqa jáne basqa úı janýarlaryna kútim jasaý jaýapkershilikti talap etetinin aıtty.