Bul týraly Oqý-aǵartý mınıstrligi málim etti, dep habarlaıdy Egemen.kz.
Qostanaı oblysynyń Rýdnyı qalasy men Áýlıekól, Mıchýrıno aýyldarynda úsh balabaqsha ashyldy. Endi 600-ge jýyq mektep jasyna deıingi balalar zamanaýı ári jaıly balabaqshalarǵa barady.
Túrkistan oblysynda 2 jańa mektep ashyldy: «Jaıly mektep» ulttyq jobasy sheńberinde salynǵan 2000 myń oqýshyǵa arnalǵan mektep jáne 600 oryndyq №35 bilim berý nysany.
Aqmola oblysynda 280 oryndyq balabaqsha ashylsa, Aqtóbe oblysynyń ortalyǵynda jáne Muǵaljar, Yrǵyz, Qobda aýdandarynda mereke qarsańynda taǵy 5 bilim berý uıymy ashylǵan.
Sondaı-aq Shymkent qalasynda «Jaıly mektep» ulttyq jobasy sheńberinde salynǵan 1200 jáne 2000 oqýshyǵa arnalǵan 2 mektep esikterin aıqara ashty.
Odan basqa Almaty qalasynda 800 oryndyq №138 mekteptiń kúrdeli jóndeýi aıaqtaldy. Al Batys Qazaqstan oblysynyń Bórli aýdanynda taǵy bir bilim berý nysany ashyldy.
Aıta ketsek, 2024-2025 oqý jylynyń basynan beri barlyǵy 500-ge jýyq bilim berý uıymy ashylǵan.