Jarystar kúndeligi

15-18 qarasha araly­ǵynda Aqtóbede dzıýdodan erler men áıelder arasynda Qazaqstan chempıonaty ótedi. Bul jarysta respýblıkamyzdyń barlyq aımaǵynan kelgen 500-ge tarta balýan­ baq synaıdy dep kútilip otyr. Sońǵy kúni aralas komandalyq saıystar uıymdastyrylady. Jeńimpazǵa Qazaqstan kýbogi tabys etiledi. Ońtústik Koreıa­nyń Kvanjdý qalasynda aıaq­­talǵan tennıs­shi­lerdiń ITF J300 týrnırinde kort qojaıyny Hoıong Rohpen jup qurǵan Ámir Omarhanov bas júldeni oljalady. Fınalda olar jer­gi­likti oıynshylar – Iens Djeıong pen Djangjýn Kım­di 6:2, 6:2 esebimen qapy qal­dyr­dy. Al jekelgen saıys­ta Ámir úshinshi kezeńge deıin je­tip, japonııalyq Hıro­ma­sa Koıa­ma­ǵaǵa jol berdi – 6:3, 4:6, 4:6. Dál sol týrnırde Zań­ǵar Nurlanuly fınalda óner kórsetip, sheshýshi tusta Hoıong Rohqa ese jiberdi – 4:6, 2:6. Qyz­dardyń juptyq oıynynda Málıka Ámirǵalıeva men taı­peılik Iý Chen Lın bas júlde úshin tartysta jeńilis tapty. Italııalyq Roberto Manchını Saýd Arabııasynan ketkennen keıin jalaqysy eń kóp jattyqtyrýshylardyń tizimin Hosep Gvardıola bas­tady. «Manchester Sıtı» fýtbol klýbynyń bas bapkeriniń bir jyldyq tabysy – 20 mıllıon fýnt-sterlıng. Al Manchını atalǵan memlekette óz áriptesinen 1,5 mıllıon artyq tabys tapqan edi. Ekinshi, úshinshi oryndarda – Mıkel Arteta («Arsenal») men Dıego Sımeone (Atletıko). Olar­dyń eńbekaqylary tıisinshe 15, 13 mıllıon shamasynda. Fýtboldan Qazaqstan Pre­mer-lıga­synyń 24 týr oıyndary mynadaı eseptermen aıaqtaldy: «Jetisý» – «Qaırat» 1:2, «Atyraý» – «Elimaı» 1:0, «Ordabasy» – «Jeńis» 1:2, «Shahter» – «Qy­zyljar» 1:1 , «Astana» – «Aqtóbe» 2:0, «Turan» – «Qaısar» 0:1. Bıylǵy maýsymda jeńi­lis­ten bir bas kótermeı, jan­kúıer­lerdi ábden mezi etken «Astana» basketbol klýbynyń bas bap­keri Fotıos Takıanos qyz­me­tinen ketti. Grekııalyq maman elor­dalyq komandany bıylǵy aqpan aıy­­nan beri jat­­tyq­tyryp kel­di. Ázirge bul min­det­ti ýaqytsha onyń k­ó­mekshisi Gleb Plot­nıkov atqa­ra­dy. Qazaqstan voleı­bol fe­de­ra­­sııasynyń pre­zıdenti bolyp Qarjy mınıstri Mádı Takıev saılandy. Astanada ótken jıynda oǵan 43 delegat daýys berdi. Sondaı-aq úmitkerler qata­rynda Alma­ty oblystyq fede­rasııasynyń pre­zıdenti Amandyq Batalov pen bel­gili voleıbolshy Baqyt­jan Baıtóreev boldy. Olardyń árqaısysy bes-bes daýys­tan jıdy. Al buǵan deıin osy qyzmetti 32 jyl boıy tapjylmaı Nurtaı Ábiqaev atqarǵan edi.