QOSTANAI. 16 maýsym. I.Omarov atyndaǵy oblystyq qazaq drama teatrynda aıtys ónerindegi qos aqberen aqyn Ásııa men Áselhannyń keshi ótti. Bul týraly egemen.kz tishisi habarlady.
80-90 jyldary halqymyzdyń aıtys ónerin bıikke kóterýde bir shoq aqyndardyń arasynda Áselhan men Ásııanyń da eńbegi erekshe bolatyn. Bul kesh bir kúnde, bir jylda týǵan egiz qozydaı qazaqtyń qos qyzynyń mereıtoıyna baılanysty ótti. Qos aqynnyń shyǵarmashylyq keshi aldymen Shymkentte, sosyn Qostanaıda jalǵasyn tapty. Onda kelýshiler aldymen oblystyq ámbebap kitaphana ujymy daıyndaǵan qos aqyn týraly jáne olardyń shyǵarmashylyǵyna arnalǵan kórmeni tamashalady.
Keshten buryn qos aqyndy oblys ákimi Nuraly Sádýaqasov qabyldady. Keshte oblys ákiminiń orynbasary Murat Dáribaev quttyqtap, Ásııa men Áselhanǵa oblys ákimi atynan syı-sııapat jasap, ıyqtaryna kamzol jaýyp, árqaısysyna 1 mıllıon teńgeniń sertıfıkatyn berdi.
Keshte Áselhan men Ásııa óz óleńderin oqyp, olardyń sózine jazylǵan ánder shyrqaldy. Aıtys týraly aqjarma áńgime de aıtylmaı qalmady. Baqytty aqyndardyń ánderin olardyń balalary men nemereleri de aıtty. Qos aqyndy belgili satırık Kópen Ámirbekov quttyqtady.
Sonymen qaatr keshen bir kúnı buryn Áselhan men Ásııanyń keshi ásııanyń týǵan jeri Áýlıekól aýdanynda da ótti.
Názıra Járimbetova.
Derek, sýret: egemen.kz