ASTANA. 29 qańtar. Soltústik Koreıa kóshbasshysy Kım Chen Yn 24 sáýirde Indonezııada ótetin Azııa jáne Afrıka elderiniń konferensııasyna qatysady. Bul týraly «The Chosun Ilbo» basylymyna silteme jasaǵan nur.kz habarlady.
«Kım Chen Ynge Bandýng konferensııasynyń 60 jyldyǵyna oraı ótkiziletin jıynǵa qatysý mańyzdy», – dep sanaıdy sarapshylar. Sebebi, 1965 jyly dál osy konferensııanyń 10 jyldyǵyna oraı ótkizilgen jıynǵa Soltústik Koreıa memleketiniń negizin qalaýshy Kım Ir Sen qatysqan bolatyn. Bandýng konferensııasy alǵash ret 1955 jyly ótti. Ol kezde Koreı Halyqtyq Demokratııalyq Respýblıkasy halyqaralyq jıynǵa jiberilmegen-di.
Sonymen qatar, Soltústik Koreıa lıderi Reseıge baratynyn da rastady. Ol Jeńistiń 70 jyldyǵyna oraı ótetin saltanatty sharaǵa qatyspaqshy.
Aıdar О́risbaev.
Derek: nur.kz.
Sýret: dni.ru.