Qyzylorda qalalyq prokýratýrasy qalada Qazaqstan Respýblıkasy Ákimshilik quqyq buzýshylyq týraly kodeks talaptarynyń saqtalýyna únemi qadaǵalaý jumystaryn júrgizip otyrady.
Qyzylorda qalalyq mamandandyrylǵan ákimshilik sotynyń 2015 jylǵy 15 qańtardaǵy qaýlysymen quqyq buzýshy K.E.M Qazaqstan Respýblıkasy Ákimshilik quqyq buzýshylyq týraly kodekstiń 223-baby boıynsha kináli dep tanylyp, oǵan laýazymdy tulǵa retinde 25 aılyq eseptik kórsetkish mólsherinde aıyppul salyndy.
Is qujattaryna qaraǵanda, 2014 jyly 15 aqpanda ýákiletti organnyń qyzmetkerleri seriktestik qyzmetinde elektr stansııalary men jelilerin tehnıkalyq paıdalanýda qaýipsizdik talaptarynyń saqtalýyna josparly tekserý jumystaryn júrgizdi. Nátıjesinde zań buzýshylyqtar anyqtalyp, seriktestiktiń osy salaǵa jaýapty laýazymdy tulǵasy azamat K.E.M-ge qatysty ákimshilik is qozǵaldy. Quqyq buzýshynyń bul áreketi Qazaqstan Respýblıkasy Ákimshilik quqyq buzýshylyq týraly kodekstiń 223-baby boıynsha durys dárejelengen. Sebebi, azamat K.E.M seriktestiktiń bas energetıgi jáne laýazymdy tulǵasy bola tura, elektr stansııalary men jelileriniń tehnıkalyq paıdalanýda qaýipsizdik talaptarynyń buzylýyna jol bergen. 2015 jyldyń 1 qańtarynan bastap qoldanysqa engizilgen jańa Ákimshilik quqyq buzýshylyq týraly kodekste atalǵan quqyq buzýshylyq úshin jaýapkershilik 300-bapta kózdelgen.
О́z kezeginde, 2015 jyldyń 1 qańtarynan bastap qoldanysqa engizilgen jańa Qazaqstan Respýblıkasy Ákimshilik quqyq buzýshylyq týraly kodekstiń 300-babynyń sanksııasynda quqyq buzýshylyq áreketi úshin laýazymdy tulǵalarǵa jaýapkershilik kózdelmegen. Qazaqstan Respýblıkasy Ákimshilik quqyq buzýshylyq týraly kodekstiń 5-babynyń 1-bóligine sáıkes, ákimshilik quqyq buzýshylyq úshin ákimshilik jaýaptylyqty jeńildetetin nemese onyń kúshin joıatyn ne ákimshilik quqyq buzýshylyq jasaǵan tulǵanyń jaǵdaıyn ózge túrde jaqsartatyn zańnyń keri kúshi bolady, ıaǵnı, osy zań qoldanysqa engizilgenge deıin jasalǵan jáne ákimshilik jaza qoldaný týraly qaýly oryndalmaǵan quqyq buzýshylyqqa qoldanylady delingen. Bul turǵyda, 2015 jyldyń 1 qańtarynan bastap qoldanysqa engizilgen jańa Ákimshilik quqyq buzýshylyq týraly kodekstiń 300-babynda laýazymdy tulǵaǵa jasalǵan áreketi úshin jaýapkershilik kózdelmegendikten, ákimshilik is óndiristen qysqartylýǵa jatady. Osyǵan baılanysty, qalalyq prokýratýr oblystyq sottyń apellıasııalyq sot alqasyna apellıasııalyq narazylyq engizip, qaralý nátıjesinde birinshi saty soty qaýlysynyń kúshi joıyldy. Al azamat K.E.M. ákimshilik jaýapkershilikten bosatyldy.
О́temis Shyńǵyshan,
Qyzylorda qalasy prokýrorynyń kómekshisi, 2-shi synypty zańger.