Úzdikter oqıtyn mektep

Respýblıkalyq fızıka-ma­tematıka mektebi jarty ǵa­syrdan astam ýaqytta álemdik deńgeıdegi bilim belesin ba­ǵyndyryp, úzdiksiz izdenis pen turaqty ósý jolynda kele jatyr.

Irgeli bilim ordasynyń oqý­shylardy fızıka-matematıka, ınformatıka pánderi boıyn­sha tereńdetip oqytatyn Asta­na, Almaty jáne Oral qa­la­larynda fılıaly jumys is­teıdi. Bul úsh mektepte 3 myń­nan astam oqýshy bilim alady. Pedagogıkalyq quram da bilikti mamandardan quralǵan. Bilim ordasynda 300-den asa pedagog qyzmet etse, 70-ke jýyǵy pedagog-sheber, 80-ge jýyǵy pedagog-zertteýshi eńbek etedi.

Mektepte oqýshylardyń sapaly bilim alýyna baılanys­ty materıaldyq-tehnıkalyq bazasy jańartylyp, zamanaýı múmkindikter qarastyrylǵan. Osyǵan baılanysty Respýb­lıka­lyq fızıka-matematıka mek­tepterinde 2017 jyldan­ bastap «Iаndeks lıseı» baǵdar­lamalaý kýrsy jumys isteıdi. Bul joba oqýshylardyń IT ba­ǵytty kásibı meńgerýine yqpal etedi. «Iаndekstiń» negizin qalaýshylar – Arkadıı Voloj ben Ilıa Segalovıch mektep túlekteri.

Qazirgi tańda myńnan astam mektep túlegi «Cambridge», «Oxford», «Harvard», «Yale», «Stan­ford», «Columbia», «Bos­ton», «Manchester», «KAIST», «Hong Kong University»-de bilim alyp, «Google», «Iаndeks», «YouTube», «Twitter», «Meta», «Amazon», «Oracle», «Lift», «Air­Astana» syndy álemdik iri kom­panııalarda qyzmet etedi. Túlekter bastamasymen fı­zıka-matematıkany da­mytý maqsatynda «Fizmat En­dowment Fund»-tyń negizi qa­landy. Atalǵan qordyń ınves­tısııalyq tabysy olımpıa­dalardy qoldaýǵa, daryndy oqýshylarǵa beriletin grant sanyn kóbeıtýge, mektep ınfra­qurylymyn jaqsartýǵa, úzdik muǵalimderdi qol­daý­ǵa ar­nalǵan.

Oqý-aǵartý mınıstrligi qol­daýynyń arqasynda mektep oqýshylary túrli halyqara­lyq olımpıadalarǵa qatysýǵa múm­kindik aldy. Sonymen birge atal­ǵan mektepter aıasynda bir­neshe halyqaralyq olımpıada ótedi. Máselen, 2000 jyl­dan beri ótip kele jatqan ha­lyqaralyq O.Jáý­tikov olım­­pıadasyna jyl saıyn álem­niń 20-dan asa eli­nen oqý­shy­lar qatysady. Bul olımpıada orta jáne jo­ǵary synyp­ oqýshylary ara­synda uıym­das­tyrylsa, 2016 jyldan bastap ótetin «FEMO» olımpıa­­da­sy 1-5-synyp oqý­shy­­la­­ryna arnalǵan. Bul bilim básekesi 2018 jyly halyqaralyq mártebege ıe boldy.

Jasandy ıntellekt negi­zin­de startap-joba ázirle­gen Astanadaǵy RFMM oqý­shy­lary Arsen Qylyshbek pen Vladımır Borzenkov «Microsoft» kompanııasynyń atynan 500 myń dollar jeńip aldy. Munda oqýshylardyń jan-jaqty damyǵan tulǵa bolyp qalyptasýyna tereń mán beriledi.

«RFMM» basqarma tóraǵasy Rýslan Qalıev fızıka-matematıka mektebiniń pedagogıkalyq ujymy otandyq bilim berý salasynan bólek, álemdik deń­geıdegi oqytýdyń utymdy tustaryn da ıgeretinin aıtady.

«Sapaly bilim berýdegi jańashyl ózgeristerdi únemi nazarda ustaımyz. Búgingi tańda mektep baǵdarlamasynda bilim berý úrdisin jetildirýge baǵyttalǵan jasandy ıntellekt tehnologııasy qoldanylady. Sonymen birge oqýshylar­dyń ártúrli pánder boıynsha bilimin tereńdetýge, joǵary oqý ornyna túsýge kómektese­tin «Advanced Placement» (AP) bilim jobasy jumys is­teıdi. Sıngapýr ádisindegi ma­tematıka negizin bastaýyshtan bastap úıretý qoldanysqa engizilgen», dedi ol.

Astanadaǵy Respýblıkalyq fızıka-matematıka mektebinde «iOS», «macOS» «watchOS» jáne «tvOS» úshin qoldanbalar ja­saýǵa múmkindik beretin «Apple» kompanııasynyń zamanaýı baǵdarlamalaý tilin úı­renýge arnalǵan «Swift tilinde baǵdarlamalaý negizderi» kýrsy ashylǵan. Sondaı-aq robottehnıka baǵytyn meńgerýde oqýshylar úzdik nátıjege ıe bolyp otyr. Máselen, soń­ǵy eki jyl qatarynan Res­pýblıkalyq fızıka-matematıka mektebiniń quramalary Ortalyq Azııa chempıonatynda bas júldeni jeńip alyp, el namysyn Hıýstonda ótken halyqaralyq dárejedegi dodada qorǵady.

Sonymen qatar fızıka-matematıka mektebi bilim sa­lasyndaǵy óz tájirıbesin basqa áriptesterimen únemi bólisip otyrady. О́ıtkeni mektep oqý­shylarynyń halyqaralyq kási­bı olımpıadalardaǵy je­tis­­­tikteri kópshilikti qatty qy­­zyqtyrady. Búginge deıin Res­pýblıkalyq fızıka-ma­tema­tıka mektebi «О́rleý» bi­lik­­ti­likti arttyrý ulttyq or­ta­­­lyǵymen birlesip, Alma­ty, Je­tisý, Ulytaý oblys­tary­nyń muǵalimderine arnaıy sheberlik-saǵatyn ótkizdi. Bul is-shara áli jalǵasyp jatyr.

ALMATY