Qarjylyq monıtorıng agenttigi «Kezbı» kompanııasyna qatysty qarajatty jymqyrý jáne salyq tólemeý faktisi boıynsha sotqa deıingi tergep-tekserý tirkelgenin málimdedi, dep jazady Egemen.kz.
QMA Mańǵystaý oblysy boıynsha departamenti «Kezbı» JShS atqarýshy dırektory Erbol Kezbaevqa qatysty QK 190-babynyń 4-bóligi 2-tarmaǵy (asa iri mólsherdegi alaıaqtyq) boıynsha qylmystyq is qozǵady.
- Oǵan kompanııa qyzmetkerlerine jalaqy tóleý úshin «О́zenmunaıgaz» AQ bólgen 321 mln teńgeni jymqyryp, sondaı-aq 1,5 mlrd teńgege jýyq somaǵa salyq tóleýden jaltardy degen aıyp taǵyldy, - dep jazdy vedomstvodan.
Belgili bolǵandaı, 2021 jyly «Kezbı» JShS «О́zenmunaıgaz» AQ-men brıgada úshin saǵatyna 65 myń teńge baǵamen qyzmet kórsetý sharttaryn jasasty.
Keıinnen eńbekaqy men medısınalyq járdemaqylardyń ósýin qosa alǵanda, jumysshylar úshin áleýmettik paketti jaqsartý maqsatynda qyzmet baǵasy brıgada úshin saǵatyna 87 myń teńgege deıin ulǵaıtyldy.
- Alaıda, qarajattyń edáýir bóligin, atap aıtqanda 321 mln teńgeni kompanııa basshysy qyzmetkerler úshin áleýmettik jaǵdaılarǵa jumsamaı jymqyrǵan.
2024 jylǵy 3 qarashada kúdikti E.Kezbaev ustaldy, - delingen aqparatta.
Qazirgi ýaqytta jasalǵan qylmystyń barlyq mán-jaılaryn anyqtaýǵa baǵyttalǵan tergeý áreketteri júrgizilýde.
QR QPK 201-baby tártibindegi ózge de aqparat jarııa etýge jatpaıdy.