QR TJM Seısmologııalyq baıqaý jáne zertteýler ulttyq ǵylymı ortalyǵynyń dırektory Dáýlet Sársenbaev búgin tańerteń bolǵan jer silkinisine qatysty málimdeme jasady, dep habarlaıdy Egemen.kz.
«Jer silkinisiniń epısentri Almaty oblysynyń aýmaǵynda, Talǵar aýdanynda boldy. Jer silkinisi Almaty qalasy men Almaty oblysynyń turǵyndary 3-4 ball kóleminde sezildi. Bul seısmıkalyq jaǵdaı elimizdiń joǵary seısmıkalyq aýmaǵynda kúndelikti bolyp turatyn tabıǵı qubylys. Qurmetti azamattar, sizderdi tek resmı aqparat kózderine senýińizdi suraımyz», dedi Dáýlet Sársenbaev.
Esterińizge sala keteıik, 5 qarashada Astana ýaqytymen saǵat 10:01-de Almaty oblysy men Almatyda jer silkinisi boldy. Jer silkinisiniń oshaǵy Almatydan shyǵysqa qaraı 33 shaqyrym jerde ornalasqan. Almatyda jer asty dúmpýleri 3 ballǵa, Talǵarda 4 ballǵa deıin sezilgen.