Osy jyldyń 10 aıynda un ónimderin tasymaldaý sońǵy 5 jyldaǵy jyldyq kórsetkishterden asyp, 2,9 mln tonnany qurady, bul ótken jyldyń osy kezeńimen salystyrǵanda 11% ósýdi bildiredi, dep habarlaıdy Egemen.kz.
Dándi daqyldardy óńdeý jáne un jóneltý boıynsha kóshbasshy - Qostanaı oblysy, ol jalpy tıeýdiń 50%-yn quraıdy, ekinshi orynǵa 17%-ben Akmola oblysy ornyqqan.
Sonymen qatar qyrkúıek-qazan aılarynda jańa egistikten dándi daqyldardy óńdeýden jarty mln tonnadan astam ónim tasymaldandy.
«Qazaqstan temir joly» UK» AQ derekterine sáıkes, un ónimderin tasymaldaýdyń negizgi baǵyttary Ortalyq Azııa elderi, otandyq unnyń ımporty boıynsha kóshbasshylar - Aýǵanstan (788 myń tonna), О́zbekstan (454 myń tonna), Tájikstan (57 myń tonna), Túrkmenstan (28 myń tonna) jáne Qyrǵyzstan (23 myń tonna).
Qytaı naryǵy da oń serpindi kórsetip, osy jyldyń 10 aıynda jarty mln tonnadan astam ónim tasymaldanyp, ótken jylmen salystyrǵanda 48% ósti.
Jabyq vagondardyń parki un ónimderin tasymaldaýdy qamtamasyz etý úshin jetkilikti jáne 15 myń vagonnan asady.
«Qazaqstan temir joly» UK» AQ jáne aımaqtarda dándi daqyldar men un ónimderin tasymaldaý boıynsha máselelerdi sheshý jáne dándi daqyldar júkterin tasymaldaýdy baqylaýdy qamtamasyz etý úshin arnaıy jumys toby qurylǵan.