Aýa raıynyń kúrt sýytyp, birneshe kún boıy aıazdyń beti qaıtpaýy Kaspıı teńizi betiniń qatyp, muz jamylýyna soqtyrdy. Bul sýy tuzdy jáne tuıyq teńizde sırek kezdesetin jaǵdaı. Teńiz sýynyń qatýyna birinshiden, kúnniń birte-birte emes, kúrt sýytýy sebep bolsa, ekinshiden, sol qarsańda jeldiń bolmaı, teńizde tolqyndardyń alasurmaı tynysh jatýy múmkindik berdi, deıdi mamandar. Sondaı-aq, mamandar mundaı jaǵdaıdyń Kaspııde 5-7 jylda kezdesetinin aıtyp otyr. Aqtaý mańyna kelip, turǵyndardyń kóz-qýanyshyna aınalǵan aqqýlar qazir tamaqtandyrý turǵysynda kómekke muqtaj emes.
– Negizinen aqqýlardyń deni «Qazatomónerkásip» JShS sýynan paıda bolǵan Qarakól qaýmalynda bolatyndyqtan, Aqtaý mańyndaǵy aqqýlardyń da qıyn jaǵdaıda sýy qatpaıtyn atalmysh mekenge ushyp ketý múmkindigi bar. Onyń ústine muz jamylǵan tek teńizdiń jaǵalaýy ǵana, orta tusy qatpaǵan kúıinde, deıdi Mańǵystaý oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Orynbasar Toǵjanov.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Sýretterdi túsirgen
Talant QUSAIYN.