2024 jyldyń 1 jeltoqsanyna deıin sport taqyrybyna mamandanǵan BAQ ókilderi arasynda belgili qalamger, kórnekti kósemsóz sheberi, qazaq sport jýrnalıstıkasynyń negizin qalaýshy Seıdahmet Berdiqulov atyndaǵy dástúrli baıqaýǵa materıaldar qabyldaý bastaldy, dep habarlaıdy Egemen.kz Týrızm jáne sport mınıstrliginiń Sport jáne dene shynyqtyrý isteri komıtetiniń baspasóz qyzmetine silteme jasap.
Konkýrs jyl saıyn jeltoqsan aıynyń ekinshi jartysynda úsh nomınasııa boıynsha ótkiziledi:1. «Úzdik sporttyq televızııalyq reportaj»;2. «Úzdik sporttyq jarııalanym»;3. «Úzdik sporttyq fotoreportaj». О́tinishter men maqalalar Astana qalasy, Máńgilik el kóshesi, 8 úı, 6 qabat, Sport jáne dene shynyqtyrý isteri komıtetiniń baspasóz qyzmetine nemese sportpress86@mail.ru elektrondyq poshtasy arqyly («2024 jylǵy S. Berdiqulov atyndaǵy baıqaýǵa» degen belgimen) qabyldanady.
Aıta keteıik, qabyldaý merzimi – 2024 jyldyń 1 jeltoqsanyna deıin jalǵasady.