Almatyda jyl sońyna deıin 50 myń beınebaqylaý kamerasyn biryńǵaı beınebaqylaý júıesine (BBJ) qosý josparǵa alynǵan, dep habarlaıdy Egemen.kz.
Qala ákimdiginiń baspasóz qyzmetiniń málim etýinshe qazirgi ýaqytta júıege 209 jeke jáne 613 memlekettik nysandardaǵy 45 myń kamera qosylǵan, al 2025 jylǵa qaraı olardyń sany 70 myńǵa jetedi. Joldaǵy qaýipsizdikti arttyrý úshin «Sergek» kesheniniń 300 kamerasy ornatylyp, qaladaǵy osyndaı keshenderdiń jalpy sany 1 myń 641-ge jetken. Sonymen qatar, «Keshendi qaýipsizdik júıesi» jobasy sheńberinde jyl sońyna deıin 71 densaýlyq saqtaý nysanynda da qaýipsizdik sharalary júzege asyrylmaq.