Jalpy bilim beretin mektepterde buǵan deıin eki pán birigip, «Kórkem eńbek» bolyp oqytylyp keldi. Bıylǵy oqý jylynan bastap «Beıneleý óneri» jeke pán retinde mektepterge jol tartty. Soǵan oraı «Atamura» baspasynyń 3-synypqa arnalǵan jańa «Beıneleý óneri» oqýlyǵy ázirlenip shyqty, dep habarlaıdy Egemen.kz.
Kitaptaǵy árbir sabaq oqýshylardyń shyǵarmashylyq qabiletin, kreatıvti oılaý daǵdysyn, estetıkalyq talǵamy men jas ereksheligin eskere otyryp daıyndalǵan.
Sondaı-aq oqýlyqtyń elektrondy nusqasy da daıarlanǵan. Onda oqýshylardyń qyzyǵýshylyǵyn oıatyp, tanymyn damytatyn ınteraktıvti tapsyrma, aýdıo-vıdeolar, sýret salý ádisteri men qajetti aqparattar berilgen. Elektrondy qural arqyly suraqtardyń jaýaby men sýretter sáıkestendirilgen, ol sýretterge pishim tańdaıdy, zattardan úılesimdi natıýrmort qurastyrady. Oqýshylar sabaq materıalyn meńgerýmen qatar, zamanaýı aqparattyq quraldardy qoldanýǵa úırenedi.