«Qaraǵandy Jaryq» JShS-niń №9 transformatorlyq stansııasynda elektr qýatynyń toqtaýy saldarynan «Abaı» shahtasynan 155 adam evakýasııalandy, dep habarlaıdy Egemen.kz.
Keshe túnde shahtada elektr qýaty óship qalǵan. Kásiporynnyń ortalyq dıspetcherlik pýnktine elektr qýatynyń úzilgeni týraly sıgnal túsken boıda shahtada evakýasııalaý jospary engizilgen.
«7 qarasha kúni saǵat 20:29-da kásiporynnyń Ortalyq dıspetcherlik basqarmasyna «Abaı» shahtasynda elektr energııasynyń toqtaǵany týraly habar tústi. Bul jaǵdaı «Qaraǵandy Jaryq» JShS-niń №9 transformatorlyq stansııasynda elektr qýatynyń toqtaýy saldarynan týyndaǵan. Jedel túrde personal evakýasııa josparyn iske qosty, nátıjesinde aýysymda bolǵan 155 adam jer betine shyǵaryldy. Kásiporynnyń barlyq qyzmetteri jedel áreket etip, bekitilgen jumys algorıtmine sáıkes jumys istedi», dep habarlady «Qarmet» AQ baspasóz qyzmeti.
Qazirgi ýaqytta elektr energııasy qalpyna keltirilgen. Tıisti qyzmetter jaǵdaıdy taldap, kásiporyn jumysyn qaýipsiz túrde qaıta bastaý úshin shahtany daıyndap jatqandyǵy belgili boldy.