Qazaqstanda taǵy bir medısınalyq qujat sıfrlandyryldy. Bul týraly Densaýlyq saqtaý vıse-mınıstri Erbol Ospanov málimdedi, dep habarlaıdy Egemen.kz.
Vıse-mınıstrdiń aıtýynsha, 2025 jyldyń 1 qańtarynan bastap sanıtarlyq kitapsha tek elektrondy túrde beriledi.
«Medısına salasynda kóptegen medısınalyq anyqtamalar men qujattar bar. Osyǵan baılanysty azamattar klınıkalarda birneshe saǵat boıy kezekte turýǵa kóp ýaqyt jumsaýǵa májbúr. Sondyqtan bul qujattardy sıfrlandyrý óte mańyzdy», dedi Erbol Ospanov.
Ol sondaı-aq 2025 jyly medısına qyzmetkerlerin tirkeý tolyǵymen sıfrlandyrylatynyn aıtty. Odan bólek suranysqa ıe 8 medısınalyq anyqtama sıfrlyq formatqa kóshiriledi.