Elimizde jeke medısınalyq kitapshalardy berý, esepke alý jáne júrgizý 2025 jylǵy qańtardan bastap elektrondyq formatqa aýystyrylady, dep habarlaıdy Egemen.kz Densaýlyq saqtaý mınıstrligine silteme jasap.
Búgingi tańda elimizde 1,6 mln azamattyń jumysqa ruqsat týraly belgisi bar jeke medısınalyq kitapshalary, onyń ishinde qoǵamdyq tamaqtaný salasynda – 780 myń, bilim berý salasynda - 550 myń, densaýlyq saqtaý salasynda – 272 myń jáne jeke sektorda - 52 myń medısınalyq kitapsha bar.
Elektrondyq formatty engize otyryp, jeke medısınalyq kitapshalardy birden birneshe uıymda usynýǵa bolady, bul azamattardyń qarajatyn únemdeıdi.
«Taǵy bir mańyzdy artyqshylyq – bul qoǵamdyq densaýlyqqa qaýip tóndiretin sankitapshalardy burmalaý faktilerine jol bermeý», delingen habarlamada.