Qarasaı aýdany, Almalybaq aýylynyń shetinen 2 qarashadan beri iz-túzsiz joǵalǵan 51 jastaǵy er adamnyń máıiti tabyldy, dep habarlaıdy Egemen.kz.
Almaty oblysynyń polısııa departamentiniń málimetinshe, máıit 9 qarashada tabylǵan. Adam óltirý deregi boıynsha qylmystyq is qozǵalǵan.
«Jedel izdestirý is-sharalarynyń nátıjeleri boıynsha 9 qarashada krımınaldyq polısııa qyzmetkerleri tórt kúdiktini anyqtap, ustady jáne ýaqytsha ustaý ızolıatoryna qamady. Qazirgi ýaqytta qylmystyń barlyq mán-jaılary men sebepterin obektıvti zertteýge baǵyttalǵan qajetti tergeý áreketteri júrgizilip jatyr», dep atap ótti oblystyq polısııa departamentiniń baspasóz qyzmeti.