Aıagózde aıazda jolda qalǵan Mońǵolııa jolaýshylaryna polısııa qyzmetkerleri kómek qolyn sozdy, dep habarlaıdy Egemen.kz
Almaty – О́skemen tas jolyndaǵy qatty boran saldarynan Mońǵolııadan Almatyǵa baǵyt alǵan jolaýshylar avtobýsy Aıagóz qalasynda aıaldaýǵa májbúr boldy. Avtobýsta 23 jolaýshy, onyń ishinde 19 mońǵolııalyq jáne 4 qazaqstandyq azamat bolǵan. Olardyń biri kámeletke tolmaǵan jasóspirim. Qala polıseıleri jolda qalǵan adamdarǵa kómek kórsetip, sport mektebinde ornalasqan jylytý pýnktinen jaıly oryn usyndy. Alaıda jolaýshylar avtobýs ishinde qalýdy qup kórdi. Sýyqta qaýipsizdikti saqtaý maqsatynda avtobýs janynda kezekshilik atqaryp, kómek kórsetýge daıyn polısııa beketi ornatyldy.