Atalǵan trenıng 2024 jyldyń 12-13 qarashasynda Astanadaǵy Radisson qonaq úıinde ótedi, dep habarlaıdy Egemen.kz.
Ony Qazaqstandaǵy BUU-Áıelder qurylymy QR Mádenıet jáne aqparat mınıstrligi jáne Qazaqstandyq qoǵamdyq damý ınstıtýtymen birlesip, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen uıymdastyryp otyr.
Is-sharanyń maqsaty – memlekettik organdar men basqa da múddeli uıymdardyń zań qyzmetteriniń ókilderine normatıvtik-quqyqtyq aktilerge (NQA) genderlik saraptama júrgizý daǵdylaryn úıretý. Trenıngtiń jetekshisi – genderlik taldaý salasynyń sarapshysy, normatıvtik aktilerge arnalǵan genderlik saraptama ádistemeleriniń avtory, Helsınkı ýnıversıtetiniń professory Marıanna Georgıevna Mýraveva. Negizgi taqyryptar: halyqaralyq quqyq standarttary, genderlik teńdik, genderlik meınstrımıng jáne normatıvtik qujattarda qoldanýǵa arnalǵan termınologııany taldaý.