11 qarashadan 12 qarashaǵa qaraǵan túni Astanada 1200-den asa arnaıy tehnıka men 300-den asa jol jumysshysy qar tazalaýǵa shyqty. Kommýnaldyq qyzmetter táýlik boıy jumys isteıdi, dep habarlaıdy Egemen.kz elorda ákimdiginiń resmı saıtyna silteme jasap.
Kúndizgi aýysymda kommýnaldyq qyzmetter elordadan 24 myń tekshe metrden astam qar shyǵardy, bul 1800-den astam aýyr júk kólemine teń.
Qysqy kezeńniń basynan beri 6 myńǵa jýyq reıs, 81 myń tekshe metrden astam qar polıgondarǵa shyǵaryldy.
11 qarasha kúni tústen keıin elorda boıynsha qar tazalaýǵa 1,3 myńnan astam arnaıy tehnıka men 2,4 myńnan astam jol jumysshysy jumyldyryldy.
Erejelerge sáıkes, eń aldymen joldarda keptelis bolmas úshin óte qarqyndy qozǵalys aımaqtary, keıin ortasha qarqyndylyǵy bar ýchaske-alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t. b. oryndar qardan tazartylady.Astananyń kommýnaldyq qyzmetteri táýlik boıy kúsheıtilgen rejımde jumys isteıdi.