Paraqorlar sottalyp jatyr...

О́tken aptada elimizdiń ár óńirinde sybaılas jemqor­lyqpen baılanysty birqatar iri qylmystyq oqıǵa oryn alyp, tipti arasynda bildeı bir salanyń tizginin ustap otyrǵan sheneýnikter quryqtaldy. Máselen, Aqmola garnızony Áskerı sotynyń úkimimen Tótenshe jaǵdaılar mınıstrligi О́rtke qarsy qyzmet komıtetiniń tóraǵasy N.Derbisov pen Shym­kent qalasy Tótenshe jaǵ­daılar departamentiniń bas­tyǵy M.Jaqsybaevtyń 5 jylǵa, Jetisý oblysy Tótenshe jaǵdaılar departamentiniń bastyǵy B.Izbasarovtyń 9 jyl­ǵa bas bostandyǵynan aıy­ryl­ǵa­nyn aıtýǵa bolady.

Sybaılas jemqorlyqqa qarsy is-qımyl agenttiginiń máli­­metinshe, olar bıznes ókili­nen onyń kásibine qam­qor­lyq jasaǵany úshin 39,7 mln teńge para alǵan. Sondaı-aq B.Izbasarov 1,7 mln teńge kóle­mindegi qarajatty ózine qosym­sha zańsyz eseptep, bıligin asyra paıdalanǵany úshin sottaldy.

Sot úkimi zańdy kúshine enbese de, olar memlekettik qyzmette jáne kvazımemlekettik sektor sýbektilerinde laýazymdardy ıelený quqyǵynan aıyryldy.

Ońtústik astanamyzda Me­deý aýda­nynyń soty «Alma­ty Bas jospary» JShS bas dırektorynyń orynbasary S.О́miráliulyna qatysty úkim shyǵar­dy. Ol alaıaqtyq jasaǵany jáne jergilikti kásipkerdi jer ýchaskesiniń nysanaly maqsatyn ózgertkeni úshin qalalyq jer qa­tynastary basqarmasynyń la­ýazymdy adamyna 9,6 mln teń­ge somasynda para berýge ıter­me­legeni úshin kináli dep tanylǵan.

Sot úkimimen oǵan 3 jyl 6 aı merzimge bas bostandyǵynan aıyrý jazasy taǵaıyndalyp, mem­lekettik qyzmette jáne kva­zı­memlekettik sektor sýbek­tilerinde qyzmet atqarý quqy­ǵy­nan ómir boıy aıyryldy.

Ishki ister mınıstrliginiń qurylymynda qylmystyq atqa­rý júıesi dep atalatyn sala bar. Ol – elimizdegi túrmelerdiń qyzmetine jáne probasııa salasyna jaýap beretin úlken júıe. О́kinishke qaraı, qylmys jasap sottalǵan adamdardy qada­ǵalaıtyn salanyń qyzmet­ker­leri arasynan da qylmysqa bet buryp, zańdy belshesi­nen basatyndar tabylyp jatyr. Máselen, buǵan О́skemen qalalyq sotynyń oblystyq Qylmystyq atqarý júıesi departamenti qyzmetkerlerine qatysty shyǵarǵan úkimi dálel.

№17 mekeme bastyǵynyń burynǵy orynbasary men aǵa ınspektor jyljymaıtyn múlik­tiń joqtyǵy týraly tur­ǵyn úı ko­mıs­sııasyna ádeıi jal­ǵan máli­met­ter berý arqyly 5,8 mln teń­ge kólemindegi qara­jat­ty ur­­laǵany úshin kináli dep ta­nyl­­ǵan. Olarǵa da 3 jyl 6 aı mer­­zim­ge bas bostandyǵyn shekteý jáne memlekettik qyzmet pen kva­zımemlekettik sektorda laýa­zym atqarý quqyǵynan ómir bo­ıyna aıyrý jazasy ta­ǵa­­ıyn­dal­­dy. Sonymen qatar olar­­dyń sáı­kesinshe «ádilet maıo­ry» jáne «ádilet leıtenanty» atty po­gon­dary ıyǵynan sy­­py­ryl­dy.

Memleket basshysynyń zańdylyq pen quqyqtyq tártipti qamtamasyz etý jónindegi tapsyrmasyn iske asyrý úshin Sybaılas jem­qorlyqqa qar­sy is-qımyl agent­tigi jem­qorlyqtyń, onyń ishinde joǵa­ry laýazymdy adamdar arasyndaǵy paraqorlyqtyń jolyn kesý boıynsha júıeli jumys júrgizip keledi. Máselen, taıaý kúnderi agenttik Aýyl sharýashylyǵy mınıstrliginiń Agroónerkásiptik keshendegi mem­lekettik ınspeksııa komı­te­tiniń tóraǵasyna qatysty sotqa deıingi tergeýdi aıaqtady.

Ol kásipkerlik sýbektisinen 4,4 mln teńge kóleminde para aldy dep aıyptalyp jatyr. Atap aıtqanda, shegirtkege qarsy pestısıdterdi jetkizý jónindegi qyzmetterdi mem­lekettik satyp alý kezinde zańsyzdyqtarǵa jol bergen. Sottyń sanksııasymen laýazymdy tulǵa men kásipker úı qamaǵyna alyndy.

«Sybaılas jemqorlyqqa qarsy volonterlik» jobasy eli­mizde qoǵamdyq baqylaýdy kú­sheıtýdiń mańyzdy jáne tıim­di quralyna aınalyp otyr. Antı­kor eriktileri sala qyz­met­kerlerine kómektesip, mem­le­ket­tik satyp alý kezindegi túr­li qı­tur­qylyqty ashyp jatyr. Máse­l­en, olardyń kó­megimen bıyl 15,2 mlrd teń­ge­niń zańsyz jumsalýynyń joly kesildi. Eriktiler jol qu­ry­ly­synyń monıtorıngine, ózekti áleý­­met­tik máselelerdi sheshýge jáne bıýdjet qara­ja­tynyń tıim­siz jum­sa­lýyn bol­dyr­maýǵa bel­sen­di aralasyp keledi. Jalpy sany shamamen 2,5 myń adamdy qu­raı­dy.

Mysaly, Almaty qalasy eriktisiniń usynymymen Ener­ge­tıka jáne sýmen jab­dyqtaý bas­qarmasy jyljy­maly elek­tro­­tehnıkalyq zert­ha­nanyń satyp alý baǵa­syn 45 mln teńgege tó­mendetti. Al Túrkistan oblysynda eriktiler balalar úıi­niń tárbıelenýshilerin me­dısınalyq uıymdarǵa elek­tron­dyq úkimet portaly arqyly bekitýdiń tıisti fýnksıonaly joq ekenin anyqtady. Bul medısınalyq mekemeler­ge aqyly negizde júginý qajet­ti­ligine ákep soqtyrǵan edi.

Sondaı-aq eriktiler avtojoldar qurylysyn monıto­rın­gileýge belsendi qatysyp keledi. Abaı oblysynda olar oblystyq joldy jóndeý kezinde jol belgileri bolmaýyna jáne jumys tolyq oryndalmaǵanyna na­zar aýdardy. Ýaqtyly áre­ket etý nátıjesinde zań buzý­shy­lyqtar joıyldy.