Jezqazǵan qalasyndaǵy «Qarlyǵash» somatıka sanatorııi janynan neıroortopedııalyq kemshilikteri bar, 3 pen 18 jas aralyǵyndaǵy balalarǵa arnalǵan «QH» memlekettik ońaltý ortalyǵy ashyldy. Izgi is-shara «Qazaqstan halqyna» qorynyń qamqorlyǵy arqasynda múmkin boldy. О́ıtkeni ortalyqty arnaıy qural-jabdyqtarmen jaraqtandyrýdy osy qor óz mindetine alyp otyr.
Ulytaý oblysy ákimdiginiń qoldaýymen jóndeý jumystary júrgizilgen ǵımaratta emdelýshilerge barlyq jaǵdaı jasalǵan. Jańa ortalyqta jylyna 600 balanyń em qabyldaý múmkindigi bar. Munda mamandar áleýmettik medısınalyq saqtandyrý júıesi aıasynda tegin qyzmet kórsetedi.
– Ortalyqta joǵary deńgeıdegi dáriger-nevrologter, reabılıtologter, logopedter, emdik deneshynyqtyrý nusqaýshylary, defektologter, eńbek terapevtteri, psıhologter jumys isteıdi. Mamandardy oqytý birneshe kezeńde, sonyń ishinde sheteldik tálimgerlerdi tarta otyryp júrgiziledi, – deıdi Ulytaý oblysy densaýlyq saqtaý basqarmasy baspasóz qyzmetiniń jetekshisi Gaýhar Saǵyndyqova.
Ortalyqtyń ashylý saltanatyna Ulytaý oblysynyń ákimi D.Ryspekov, «Qazaqstan halqyna» qoǵamdyq qorynyń basqarma tóraǵasy B.Jámishev, basqa da jaýapty tulǵalar qatysty.
Jezqazǵan